Тропари и кондаки еллинстии. Октоврий (1 - 15).
1/14 октября.
Тропа́рь Покро́ву Бо́жия Ма́тере, глас 1
(В Греции - 28 октября)
Покро́ва Твоего́, Де́во, воспева́ем благода́ть,./ его́же яко светоно́сный о́блак простира́ешипа́че помышле́ния/ и покрыва́еши у́мно лю́ди Твоя́ от вся́каго наве́та вра́жия./ Тя бо покро́в и предста́тельницу и помо́щницу стяжа́хом, вопию́ще Тебе:/ сла́ва вели́чию Твоему́, Чи́стая,/ сла́ва боже́ственному покро́ву Твоему́,// сла́ва Твоему́ о нас смотре́нию, Пренепоро́чная.
Конда́к, глас 8.
Яко о́блак све́тел осеня́яй Це́ркве исполне́ние, Всенепоро́чная,/ во гра́де ца́рственнем дре́вле яви́лася еси./ Но яко покро́в су́щи лю́дем Твои́м и побо́рница, / покры́й нас от вся́кия ско́рби,//зову́щия: Ра́́дуйся, Покрове всесве́тлый.
Тропа́рь прп. Рома́на Сладкопе́вца, глас 4.
Яко труба́ богоприя́тная небе́сных песнопе́ний,/ богодохнове́нно освети́л еси Це́рковь Христо́ву/ боже́ственными твои́ми пе́сньми./ Ты бо Богоро́дицы озаре́нием дохнове́ние прия́в,/ не́бо пе́сенное яви́лся еси в ми́ре./ Сего́ ра́ди тя любо́вию почита́ем,// Рома́не преподо́бне.
2/1 5 октября
Тропа́рь ин сщмч. Киприа́на и св. мцы Иусти́ны, глас 3.
Боже́ственныя ве́ры светозаре́нием/ тьму оста́вил еси нече́стия/ и свети́льник и́стины был еси,/ па́стырски бо просвети́в житие́ твое, Киприа́не,/ во страда́льчестве просла́вился еси./ Отче преподо́бне,/ Творца́ о нас уми́лостиви// вку́пе со Иусти́ною богому́дрою.
3/ 16 октября
Тропа́рь сщмч. Диони́сия Ареопаги́та, глас 5.
Поя́т быв, отче, па́вловым пропове́данием,/ наста́вник яви́лся еси яже паче ума дарова́ний,/мы́слию высо́кою украша́ем,/ безпло́тных бо су́щностей нача́ла тайново́дствуеши,/ яко таи́нник неизрече́нных и му́дрости яви́тель,// священному́чениче Диони́сие.
4/ 17 октября
Тропа́рь сщмч. Иерофе́я Афи́нскаго, глас 4.
Па́вловыми богоглаго́ливыми плете́ньми уловле́н был еси/ и весь был еси Богу посвяще́н, му́дре Иерофе́е,/ ты бо прему́дрости луча́ми просия́в,/ яви́лся еси богосло́вия изве́стнаго наста́вник.// Имже таиново́димся, отче, на лу́чшая.
5/18 октября
Тропа́рь св. мцы Харити́ны, глас 3.
Боже́ственною благода́тию укре́пльшися,/ держа́ву нече́стия посрами́ла еси, Харити́но,/ паче естества́ пострада́вши./ Темже благода́ти исто́чник неоску́дный,/ яко сла́дость источа́еши зову́щим:/ му́ченице сла́вная,/ Христа Бога моли// дарова́ти нам ве́лию ми́лость.
7/20 октября, глас 1.
Тропа́рь свв. мчч. Се́ргия и Вакха
Тро́ицы Святы́я ору́жницы победоно́снии,/ све́тлая дво́ица му́ченик яви́стеся во страда́ниих,/ Се́ргие, боже́ственный до́блественник/ и Вакше, страда́лец изря́дный./ Сего́ ра́ди, просияв́ше сла́вно, предстоите́ о вопию́щих:/ Слава укре́пльшему вы,/ слава венча́вшему,/ слава де́йствующему вами всем исцеле́ния.
8/21 октября
Тропа́рь прп. Пелаги́и, глас 4.
От те́рния, я́коже ши́пок благоуха́нный/ в Це́ркви, Пелаги́е, показа́лася еси,/ доброде́тельными де́лы ра́дующи нас./ Те́мже и принесла́ еси, яко воню́ благоуха́ния уди́вльшему тя/ житие́ твое, преподо́бная./ Его́же умоли́ спасти́ся нам от страсте́й вся́ческих,// душе́вных же и теле́сных.
9/22 октября
Тропа́рь ап. Иа́кову Алфе́еву, глас 4.
Благода́ть Духа дохнове́нием языкоо́гненным,/ яко боже́ственный апо́стол, душе́ю восприя́в, Иа́кове сла́вне,/ возсия́л еси в ми́ре, яко звезда́ зарено́сная,/ разори́л еси и́дольскую многобо́жную нощь.// И ныне непреста́нно моли о душа́х на́ших.
10/23 октября
Тропа́рь св. мч. Евла́мпия и Евла́мпии, сестры́ его, глас 1.
Зако́ном естества́ о Бо́зе соедине́ни, единоду́шни, кре́пко,/ яко единокро́вницы боже́ственнии,/ му́ченицы сро́дницы во страда́льчестве показа́стеся,/ о Евла́мпие с честно́ю Евла́мпиею./ Темже вене́ц по́чести прия́вше,// нас спаса́ете.
11/24 октября
Тропа́рь прп. Феофа́на Начерта́ннаго, глас 5.
Тайнонауче́н от а́нгел созву́чию, отче,/ богоявле́ния несказа́ннаго яви́лся еси труба́ злата́я./ люди избра́нныя пита́я словесы́ твои́ми:/ му́дрых бо пе́сен твоих всеблагознамени́тое пе́ние весели́т Це́рковь:/ ея же ра́ди све́тло подвиза́лся еси,// богоблаже́нне, Феофа́не.
12/25 октября
Тропа́рь св. мчч. Прова, Тара́ха и Андрони́ка, глас 5.
Святы́х мученик исправле́ниям/ небе́сныя силы удиви́шася,/ яко в телеси́ сме́ртнем безтеле́снаго врага́ си́лою Креста́, подвиза́вшеся до́бле,/ победи́ша неви́димо:/ и предстоя́т Го́сподеви,// моля́щеся о душа́х на́ших.
13/26 октября
Тропа́рь св. мчч. Ка́рпа, Папи́лы, Агафодо́ра и Агафони́ка, глас 3.
Житие́ боголю́бно проше́дше,/ Христо́вы снасле́дницы яви́стеся,/ страда́льчеством врага́ победи́вше,/ Карпе му́дре и просла́вленный Агафодо́ре,/ Агафони́че и Папи́ле сла́вне:/ Боже́ственнии му́ченицы,/ Христа Бога моли́те// дарова́ти нам ве́лию ми́лость.
14/27 октября
Тропа́рь св. мчч. Наза́рия, Герва́сия, Прота́сия и Ке́лсия, глас 4.
Тричи́сленное сочета́ние страда́лец Христо́вых,/ Наза́рия воспои́м со Герва́сием вку́пе, Прота́сия, Ке́лсия. /Си́и бо Тро́ицу возвести́ша всем,/ разори́вше по́двиги и́дольскую лесть.// Ихже моли́твами, Христе, всех поми́луй.
Тропа́рь прп. Космы́ Майу́мскаго, глас 4.
Небе́сную награ́ду во пло́ти ревнообразу́я ,/земно́е хвале́ние Богу иже в вы́шних соста́вил еси:/ ты бо яко прему́дрости гу́сли благознамени́тыя,/ возда́л еси высоте́ Сло́ва высо́кую хвалу́ .// Сего́ ра́ди тя, Космо́ богоглаго́ливе, пе́сньми почита́ем.
15/ 28 октября
Тропа́рь сщмч. Лукиа́на, глас 3.
Боже́ственным Ду́хом просвеще́н,/ ве́дение от Бога стяжа́л еси/ и ве́ры сло́во уясни́л еси./ Те́мже му́чеником наста́вник быв, Лукиа́не,/ во страда́льчестве до́блествовал еси./ Му́чениче сла́вне,/ Христа Бога моли́// дарова́ти нам ве́лию ми́лость.
Конда́к, глас 4.
Яко изъясни́тель живоно́сных глаго́лов /и иере́й боже́ственных та́ин, /Лукиа́не богоприя́тне,/ страда́льчествовал еси тве́рдо./ Те́мже и вну́треннейшую заве́су, ра́дуяся, проше́л еси/ и Христо́ву лику предстои́ши всегда́// о нас, чту́щих тя, его умилостивля́й.
Тропа́рь Покро́ву Бо́жия Ма́тере, глас 1
(В Греции - 28 октября)
Покро́ва Твоего́, Де́во, воспева́ем благода́ть,./ его́же яко светоно́сный о́блак простира́ешипа́че помышле́ния/ и покрыва́еши у́мно лю́ди Твоя́ от вся́каго наве́та вра́жия./ Тя бо покро́в и предста́тельницу и помо́щницу стяжа́хом, вопию́ще Тебе:/ сла́ва вели́чию Твоему́, Чи́стая,/ сла́ва боже́ственному покро́ву Твоему́,// сла́ва Твоему́ о нас смотре́нию, Пренепоро́чная.
Конда́к, глас 8.
Яко о́блак све́тел осеня́яй Це́ркве исполне́ние, Всенепоро́чная,/ во гра́де ца́рственнем дре́вле яви́лася еси./ Но яко покро́в су́щи лю́дем Твои́м и побо́рница, / покры́й нас от вся́кия ско́рби,//зову́щия: Ра́́дуйся, Покрове всесве́тлый.
Тропа́рь прп. Рома́на Сладкопе́вца, глас 4.
Яко труба́ богоприя́тная небе́сных песнопе́ний,/ богодохнове́нно освети́л еси Це́рковь Христо́ву/ боже́ственными твои́ми пе́сньми./ Ты бо Богоро́дицы озаре́нием дохнове́ние прия́в,/ не́бо пе́сенное яви́лся еси в ми́ре./ Сего́ ра́ди тя любо́вию почита́ем,// Рома́не преподо́бне.
2/1 5 октября
Тропа́рь ин сщмч. Киприа́на и св. мцы Иусти́ны, глас 3.
Боже́ственныя ве́ры светозаре́нием/ тьму оста́вил еси нече́стия/ и свети́льник и́стины был еси,/ па́стырски бо просвети́в житие́ твое, Киприа́не,/ во страда́льчестве просла́вился еси./ Отче преподо́бне,/ Творца́ о нас уми́лостиви// вку́пе со Иусти́ною богому́дрою.
3/ 16 октября
Тропа́рь сщмч. Диони́сия Ареопаги́та, глас 5.
Поя́т быв, отче, па́вловым пропове́данием,/ наста́вник яви́лся еси яже паче ума дарова́ний,/мы́слию высо́кою украша́ем,/ безпло́тных бо су́щностей нача́ла тайново́дствуеши,/ яко таи́нник неизрече́нных и му́дрости яви́тель,// священному́чениче Диони́сие.
4/ 17 октября
Тропа́рь сщмч. Иерофе́я Афи́нскаго, глас 4.
Па́вловыми богоглаго́ливыми плете́ньми уловле́н был еси/ и весь был еси Богу посвяще́н, му́дре Иерофе́е,/ ты бо прему́дрости луча́ми просия́в,/ яви́лся еси богосло́вия изве́стнаго наста́вник.// Имже таиново́димся, отче, на лу́чшая.
5/18 октября
Тропа́рь св. мцы Харити́ны, глас 3.
Боже́ственною благода́тию укре́пльшися,/ держа́ву нече́стия посрами́ла еси, Харити́но,/ паче естества́ пострада́вши./ Темже благода́ти исто́чник неоску́дный,/ яко сла́дость источа́еши зову́щим:/ му́ченице сла́вная,/ Христа Бога моли// дарова́ти нам ве́лию ми́лость.
7/20 октября, глас 1.
Тропа́рь свв. мчч. Се́ргия и Вакха
Тро́ицы Святы́я ору́жницы победоно́снии,/ све́тлая дво́ица му́ченик яви́стеся во страда́ниих,/ Се́ргие, боже́ственный до́блественник/ и Вакше, страда́лец изря́дный./ Сего́ ра́ди, просияв́ше сла́вно, предстоите́ о вопию́щих:/ Слава укре́пльшему вы,/ слава венча́вшему,/ слава де́йствующему вами всем исцеле́ния.
8/21 октября
Тропа́рь прп. Пелаги́и, глас 4.
От те́рния, я́коже ши́пок благоуха́нный/ в Це́ркви, Пелаги́е, показа́лася еси,/ доброде́тельными де́лы ра́дующи нас./ Те́мже и принесла́ еси, яко воню́ благоуха́ния уди́вльшему тя/ житие́ твое, преподо́бная./ Его́же умоли́ спасти́ся нам от страсте́й вся́ческих,// душе́вных же и теле́сных.
9/22 октября
Тропа́рь ап. Иа́кову Алфе́еву, глас 4.
Благода́ть Духа дохнове́нием языкоо́гненным,/ яко боже́ственный апо́стол, душе́ю восприя́в, Иа́кове сла́вне,/ возсия́л еси в ми́ре, яко звезда́ зарено́сная,/ разори́л еси и́дольскую многобо́жную нощь.// И ныне непреста́нно моли о душа́х на́ших.
10/23 октября
Тропа́рь св. мч. Евла́мпия и Евла́мпии, сестры́ его, глас 1.
Зако́ном естества́ о Бо́зе соедине́ни, единоду́шни, кре́пко,/ яко единокро́вницы боже́ственнии,/ му́ченицы сро́дницы во страда́льчестве показа́стеся,/ о Евла́мпие с честно́ю Евла́мпиею./ Темже вене́ц по́чести прия́вше,// нас спаса́ете.
11/24 октября
Тропа́рь прп. Феофа́на Начерта́ннаго, глас 5.
Тайнонауче́н от а́нгел созву́чию, отче,/ богоявле́ния несказа́ннаго яви́лся еси труба́ злата́я./ люди избра́нныя пита́я словесы́ твои́ми:/ му́дрых бо пе́сен твоих всеблагознамени́тое пе́ние весели́т Це́рковь:/ ея же ра́ди све́тло подвиза́лся еси,// богоблаже́нне, Феофа́не.
12/25 октября
Тропа́рь св. мчч. Прова, Тара́ха и Андрони́ка, глас 5.
Святы́х мученик исправле́ниям/ небе́сныя силы удиви́шася,/ яко в телеси́ сме́ртнем безтеле́снаго врага́ си́лою Креста́, подвиза́вшеся до́бле,/ победи́ша неви́димо:/ и предстоя́т Го́сподеви,// моля́щеся о душа́х на́ших.
13/26 октября
Тропа́рь св. мчч. Ка́рпа, Папи́лы, Агафодо́ра и Агафони́ка, глас 3.
Житие́ боголю́бно проше́дше,/ Христо́вы снасле́дницы яви́стеся,/ страда́льчеством врага́ победи́вше,/ Карпе му́дре и просла́вленный Агафодо́ре,/ Агафони́че и Папи́ле сла́вне:/ Боже́ственнии му́ченицы,/ Христа Бога моли́те// дарова́ти нам ве́лию ми́лость.
14/27 октября
Тропа́рь св. мчч. Наза́рия, Герва́сия, Прота́сия и Ке́лсия, глас 4.
Тричи́сленное сочета́ние страда́лец Христо́вых,/ Наза́рия воспои́м со Герва́сием вку́пе, Прота́сия, Ке́лсия. /Си́и бо Тро́ицу возвести́ша всем,/ разори́вше по́двиги и́дольскую лесть.// Ихже моли́твами, Христе, всех поми́луй.
Тропа́рь прп. Космы́ Майу́мскаго, глас 4.
Небе́сную награ́ду во пло́ти ревнообразу́я ,/земно́е хвале́ние Богу иже в вы́шних соста́вил еси:/ ты бо яко прему́дрости гу́сли благознамени́тыя,/ возда́л еси высоте́ Сло́ва высо́кую хвалу́ .// Сего́ ра́ди тя, Космо́ богоглаго́ливе, пе́сньми почита́ем.
15/ 28 октября
Тропа́рь сщмч. Лукиа́на, глас 3.
Боже́ственным Ду́хом просвеще́н,/ ве́дение от Бога стяжа́л еси/ и ве́ры сло́во уясни́л еси./ Те́мже му́чеником наста́вник быв, Лукиа́не,/ во страда́льчестве до́блествовал еси./ Му́чениче сла́вне,/ Христа Бога моли́// дарова́ти нам ве́лию ми́лость.
Конда́к, глас 4.
Яко изъясни́тель живоно́сных глаго́лов /и иере́й боже́ственных та́ин, /Лукиа́не богоприя́тне,/ страда́льчествовал еси тве́рдо./ Те́мже и вну́треннейшую заве́су, ра́дуяся, проше́л еси/ и Христо́ву лику предстои́ши всегда́// о нас, чту́щих тя, его умилостивля́й.