كلاريسونيك برو
مرحبا~
من زمان ماكتبت عن شي جربته في الشراء من النت ^_^ تذكرت إني شاريه فرشة كلاريسونيك للوجه والجسم العام الماضي وكلفتني مع الشحن 200 دولار تقريباً فقلت ليش ماأكتب تجربتي عنه? على العموم الجهاز يجي بكرتون مرفق معاها الشاحن, 4 فرش متعدده وبرضو مجموعة عينات غسول للوجه والجسم وأخيراً اشتراك لمدة سنه لمجلة امريكيه خاصه عن صحة المرأه لكن للأسف العرض محدود داخل أمريكا فقط يعني الاشتراك مااستفدت منه لأن ماعندي بريد أمريكي XD
بصراحه الجهاز يقوم بالواجب بدال ماأقعد افرك جسمي بالليفه يكفي أشغله وأمشيه على جسمي لأن الفرشه تتحرك بشكل شبه دائري والجميل إنها مفيده كتنظيف بالإضافه كمساج لتحركيك الدوره الدمويه, أما فرشة الوجه مااستخدمتها لأن وجهي حساس بقوه XD
بالنسبه لتنظيف الظهر, الشركه نزلت وصله يد إضافيه تركبينها بالجهاز علشان توصلين لظهرك لكن إلى الان ماشريتها وماأظن إني بشتريها,, طبعاً إذا كان أكثر من شخص يبي يستخدمها بنفس البيت, الأفضل شراء فرش إضافيه لكل شخص بدل شراء جهاز آخر ^_^ والأهم هو الحفاظ على نظافة الفرش وغسلها جيداً بعد كل استخدام