СӘЛОМ БЫДӘЈШ !

[tolishpresxabon]

СӘЛОМ БЫДӘЈШ

Мирфәјаз Ликмәкани

Бә Лик дәро гынјә Биләм,

Бә Ланкони сәлом быдәјш!

Масаләдә по жәј гирәм,

Бәдәлони сәлом быдәјш!

Осторо дард бәјсә гоне,

Иглә дыле, дыпоә ҹоне.

Теғә мафтул бә мијоне,

Бә Шиндони сәлом быдәјш!

Бә Биләсыво дәдјәсиш,

Бә Һәмошәру едјәсиш,

Варғәдизијән педјәсиш,

Ки һест, ки ни, сәлом быдәјш!

Зындәм, веј кијә евәшә,

Тонош езым, дастбәмәшә -

Пыә кијәсә һывоскәшә

Мәрдә сони сәлом быдәјш!

Һәлә нырәсәј бә Вери,

Ҹокәјш Бобогил нәзыри.

Вазә ғәлә, Бәлләбыри

Бә Һыркони сәлом быдәјш!

Кинәпыртијә һалән бышиш,

Сард бе, Нығлони коч дәшиш.

Әмо бә Панәбанд бешиш,

Сәвалони сәлом быдәјш!

Толыш сипиј, һар тон ва-ваз,

Пәбушиме, нызнәјм ше аз!

Чанд зымыстоне Мирфәјаз

Бејурд шо ни, сәлом быдәјш!

31.01.2014