БИНОМОН
Ижән вотејдәм: Милләт и быно зу быжәно, банд пебәгарде!
Әли Насир
Зəмон-зəмон де тарыхон həмсиниш,
Бо дусти дуст, бо дышмени шымши ниш,
Һəм ғəшəнгиш, həм речиниш, həм шиниш,
Бы дынјоəдə рости, həхи лонəмо,
Толышə мəhол, хосə Вəтəн, шинə Мо.
Ты чы дынјо вəјштə боғон фəриш, фəр,
Ты Кaдусиш, ты Мидјəш, ты Oсəр.
Каспи кəно вирскə быдə зəриш, зəр,
Һəши рушнə һежо ышты сəјсə бо,
Толышə мəhол, хосə Вəтəн, шинə Мо.
Ышты рушни чы сијо авон сəмандə,
Ышты бандон сə бə осмон дəмандə.
Һа бандисə иглə ғəлə пемандə,
Бо Зəрдусти, бо Дејоки ты бəш чо,
Толышə мəhол, хосə Вəтəн, шинə Мо.
Гыјəмерды, Атропаты пероснə,
Ты Бабəкы, Шых Заhиды дəроснə,
Даји, Дəдə бə ростə ро сəроснə,
Мир Мыстәфо, Мир Һəсəни Инə, Мо,
Толышə мəhол, хосə Вəтəн, шинə Мо.
Ышты роəдə шəhид бəјон ты тəниш,
Че Бегəғə, Зулфығари Вəтəниш,
Ҹанго cониш, Вəлиəhди бəдəниш.
Зулфиғари, Рафəддини нəнə, мо,
Толышə мəhол, хосə Вəтəн, шинə Мо.
Дышмен зындə, hич ҹo нијe то ышты,
Əве həлə даст кəшдəни чы вəјшто,
Певыло бəн ышты əғлон бə hа cо,
Гонə дарде че ғурбəти ғəм-ғыбо,
Толышə мəhол, хосə Вəтəн, шинə Мо.
И руж бəбе, həх ыштəни бəросне,
Ышты Зəрвон Əhримони бəтосне.
Ым “јəҹуcон” ышты сојку бəтожне,
Озод бəбе ижəн ышты синə, Мо,
Толышə мəhол, хосə Вəтəн, шинə Мо.
И руж бəбе, выло бəбе ышты ғəм,
Ышты зоон боштә həxи бәбен ҹәм,
Чы ғурбəто обəгарде Əлəкрəм,
Обəгарден ышты зоон бəшты по,
Толышə мəhол, хосə Вəтəн, шинə Мо.
Əли Насир ловə кардə бə Хыдо,
Əве бəмə вəтəн əдо, cон əдо,
Əв бəмəсе шаири ванги сəдо,
Пәшмон бəбе ҹомəhолыж-хонəхо,
Толышə мəhол, хосə Вəтəн, шинə Мо.