ӘҸӘЛИ АСП

[tolishpresxabon]

ӘҸӘЛИ АСП

Јадулла Сајад

Ширә зоны ғат кардә ты,

Дынјо бәштә мот кардә ты.

Ве аләмы шат кардә ты,-

Әҹәли асп.

Чы һар кәси кәјбә кудәш,

Бывот, бәки әмон додәш?

Бо ҹывонон дандон судәш,-

Әҹәли асп.

Ве вахте ро дәгижнијә,

Бәды һаштә, чок выжнијә,

Ты кә ғандә, кә рыжнијә,-

Әҹәли асп.

Омәш һежо бәнә дызон,

Һаштә дылдә чан орзујон,

Һаҹо ышты лынгә ризон,-

Әҹәли асп.

Чәмә гыјдәј ыштынән һәх,

Бәсәнеш әј сыфтә-орәх,

Ты гыләј бәвәдә гонәғ,-

Әҹәли асп.