Криминал иjэн hодисон

[tolishpresxabon]

Мамулгани



МАСАЛОНӘДӘ СИЛОҺИНӘ ҒӘЗИЈӘ

Масалонәдә силоһинә ғәзијә быә. Рәјони полиси идорә доә мәлумотәдә вотә бејдә ки, ғәзијә Масалони ди Шатробәдә быә. Бә диј сәбәсо Ниҹот Мирзәҹонови (1984-нә сори моәку быә) нынги гуллә гынијә. Н. Мирзәҹоновшон ноә бә нохәшхонә. Ғәзијә барәдә зијодә мәлумот доә быәни. Де ын факти әлоғодор тәһғиғот бардејдән.

tolishpress.org



СӘРБОЗИ ЫШТӘНЫШ ДЕ ГУЛЛӘ ЖӘ

Рәјон Товузи зәминәдә быә һәрби һиссон гыләјнијәдә Ланконо бә һәрби хыдмәт сәдо кардә быә, 1994-нә сорәдә моәку быә Рамил Әлизодә де гуллә жәше ыштән.
Мыдофиә вәзарәтәдә быә сәвонон мәлумот дојдән ки, де ын ғәзијә әлоғодор тәһғығот бардејдән. Мыдофиә вәзарәти мәтбуоти хыдмәти тәсдығ кардәше ын факт. Че ғәзијә сәбәб мәлум ни.
            Хыдо рәһмәт быкә!
          Ымијән бывотәмон ки, есәтнә сори чо манги дыләдә Озорбојҹони ордујәдә 26 кәс тәләф быә. Чәвон 21 кәс ҹанги ныбә шәроитәдә һәлок быә.

tolishpress.org