hӘМӘ БӘ ПИКЕТ!
tolishpress.org
Товыстони ҹәлҹәлије. Һәво бәрк гаме. Веј вахти һич согнәдән ныште бејдәни. Одәми пијејдәше һежо бынышты гыләј согнәҹоәдә јаанки ови кәноәдә...
Интаси ыврәшән һесте ки, жыго согнә, овәкәно ијән ҹо роһатијон бо бахтәвәрә одәмон омән! Боәмә - бо толышон гам быбу ја сард, һәши быбу ја авәло, һышки быбу ја вошвәшә, воа быбу ја гуршатә вош, фәрғыш ни, чәмә бо роһати сәј, динҹи сәј һәхымон ни! Чанә чәмә хәлғ зылләтәдәј, чанә чәмә быјон зиндонәдә де Әзроили бә ҹангин, чәмә һәхымон ни ыштә роһати барәдә фикир быкәмон! Кијән ки фикир быко ки, и-дыглә тәдбирымон дәвоније, демијән ыштә комон винде, сәһвәдәј! Һукмәтән һежо ыми бә чәше! Бә чәше ки, кејнә толышон сыст бәбен бәныштен, чәјо әв ыштә кој бәвинде!
Әве, быдә һәмә толышон бызнын ки, тосә охој шәнинимон! Тосә охој де Озорбојҹони һукмәти ҹангәдә быәнинимон ки, Һилал перәхы зиндоно!
Шымәни һәммәј августә манги 2-дә бәруж саат 15-ку тосә 16.00 пикетәдә бә чәшимон, хосә толышон!
Де јолә һурмәти ијән еһтироми,
Фәхрәддин Әбосзодә