ТОЛЫШЭ БАНДОН

[tolishpresxabon]

Тофиг Илһом
tolishpress.org

Мәвот гыләј тулиш, сығиш,

Һар тәрәфы вылә боғиш,

Чәмә әслиш, чәмә рәғиш,

Толышә бандон, Толышә бандон.

Бабәк чәғын бә мәјдон шә,

Бә дышменон веј шымшиш жә;

Һәм гәдимиш, һәмән тожә,

Толышә бандон, Толышә бандон.

Рујон шедән чы дә-бә дә,

Һандә ијо чанд пәрәндә.

Быәш бәмә нәнә, дәдә,

Толышә бандон, Толышә бандон.

Умбурә доон гичә-гичә,

Һа гичәдә һәзо хычә,

Һәши гәтә сәјку хончә,

Толышә бандон, Толышә бандон.

Һонијон һәзо дарди дәво,

Пешомәкәсон виндән сәфо;

Һежо быкә бәмә сәфо,

Толышә бандон, Толышә бандон.