JУБИЛЕJЫ МЫБОРӘК БЫБУ, ТОЛЫШИ ГӘМКӘШ!
Ф. Абосзода, Толышпресс on 08 Авуст, 2011
tolishpress.org
Ымруж чәмә Бојли - Аллаһверди Бајрами (Ивыжәли) јубилеје. Шаир, әдәбијотшынос, зывоншынос, фолклоршынос, иҹтимои ходим Аллаһверди Бајрами ғејд кардејдә ыштә моәку бе 65 сорогарди.
Аллаһверди миәллими һестыше ыштә мәхсусијә вырә чәмә Толыши һәрәкотәдә. Чандә соронин шәв-руж кылынг жәјдә Толыши роәдә, и тәрәфо дештә шерон, әдәбијә-публисистә мәғалон, чә тәрәфоән толыши әдәбијә зывони сохте, бә дәрһәл росније роәдә бә ҹанге. Чәј бәчәмә зывони һәср кардә быә һар гылә мәғалә әнҹәх елми әсәр ни, һәмән гыләј ҹанге. Толыши кон сајти окош, чәј даст-хәтт һесте әјо, чәј жә јаһу сәдо омејдә чәјо! Әј һәх-ноһәх “жәјдән”, сәнырәсәкәсон бәшәм кардејдәнин чәј нывыштәјон, лыбут печокнејдән бәчәј тәклифон, сәрәкәсон, есә бој, де ләзәти һандејдән әвони, бә хышмәт омејдән, фәхр кардејдән ки, чәмә Толыши пероснијәше жәго гыләј алим!
Әмә һәммәјәво фәхр кардејдәмон деты, чәмә азизә Бојли! Хыдо зу быдә бәшты ғәләми, нур быдә бәшты чәшон, дырозәжи быби! Бынывышт, Толыши роәдә, бә толыши бынывышт, пекә һытәкәсон, сәросын сәнырәсәкәсон, дәросын дәмәрәсон! Јубилејы мыборәк быбу, толыши Ғәмкәш!