Մի խնդալու պատմություն, տխուր բանի մասին

[talinci]

Լինում է չի լինում, մի ՊՆ նախարար է լինում, էս նախարարը միշտ դիրքեր է բարձրանում, հանդիպում է զինվորների հետ, խոսում է հայրենիքի պաշտպանության սուրբ գործի մասին, հայրենիքի համար կյանքը չխնայելու մասին և այլն:
Հետո իջնում է դիրքերից ու բարձրաստիճան պաշտոնյաների, սպաների և այլ մարդկանց մոտ խոսում է հայրենիքի «փոխզիջման» մասին: Այն մասին, թե

Comments

[albicocco]

Ունեցել ենք, թե չէ, հաստատ չեմ կարող ասել (բայց երևի չենք ունեցել), բայց սովորաբար եթե երկիրն ունենաում է "թագավոր", "սպարապետը" խաղաղ ժամանակ երգում է այն երգը, ինչ "թագավորն" է ասում, իսկ պատերազմի ժամանակ եթե "թագավորի երգը լավը չէ", "սպարապետը" կարող է և նույն երգը չերգել (նման փորձ ունեցել ենք, գուցե և ոչ "սպարապետի" մակարդակով, բայց և այնպես), այնպես որ այսօրվա "զիջում-փոխզիջում" երգի առաջին սիրահարն ու պատվիրողը "սպարապետից" ավելի վերևում է...

[talinci]

Բնականաբար գիտեմ, որ գրեթե ողջ քաղաքական ղեկավարությունն է այդ "երգը երգում", բայց ՊՆ նախարարի դեպքն այլ է: Ուրեմն թող զինվորների մոտ չխոսա հայրենասիրության մասին, կամ էլ իր դավաճանական հայացքները գաղտնի պահի, ոչ թե ուրիշներին էլ համոզի և դեռ ընդդիմացողներին էլ ծաղրի..
>իսկ պատերազմի ժամանակ եթե "թագավորի երգը լավը չէ", "սպարապետը" կարող է և նույն երգը չերգել
Ընդհանրացված չի կարելի ասել, համ էլ ինչ պատերազմ, եթե մարդիկ առանց պատրեազմ հանձնվում են

[albicocco]

ես քեզ լրիվ հասկանում եմ, բայց եթե ռեալ նայենք, այսօր սպարապետը սպարապետ չէ, այլ ճիշտ է պաշտպանության, բայց ՆԱԽԱՐԱՐ, իսկ դա նշանակում է, նա սովորական պաշտոնյա է "թագավորի" ձեռքում (մեր ներկայիս իրականությունում) ու չի կարող չերգել այն, ինչ իրեն ասում են(թեև իհարկե ցանկալի կլիներ` այդպես չլիներ), թե չէ հաջորդ օրն այդ պաշտոնին ուրիշ մեկը կլինի, իսկ այդ պաշտոնում "թագավորը" իր երգը չերգողներից ոչ մեկին հաստատ չի նշանակի, ով էլ այսօր ՆՇԱՆԱԿՎԻ "սպարապետ", նույնն է լինելու, ՑԱՎՈՔ... Կարծում եմ` մեր խնդիրն այս դեպքում այնպես անելն է, որ նրանց երգը հնարավորինս քիչ լսելի լինի, քիչ ազդեցություն թողնի, և դրան հակառակ հասարակության մեջ գերակայի այն ինֆորմացիան, որն այդ "երգին" համահունչ չէ...

[talinci]

Քեզ էլ եմ հասկանում, բայց դե եթե նույնիսկ մարդ "ստիպված" է անբարոյականություն անում, դա չի նշանակում, թե նա անբարոյական չի: Չնայած տպավորությունն այն չի, որ նա "ստիպված" է անում, դա ավելի շատ համոզմունք է իրական նրա մոտ:

[albicocco]

ես ամենևին էլ չեմ ասում, որ նա ստիպված է անում կամ "երգում", գուցե հենց իր սրտով էլ է այդ երգը, 50/50 է, իմ ասածն այն է, որ այսօրվա մեր քաղաքական/իշխանական իրականության մեջ ով էլ լինի, ով էլ գա (իսկ որպես օրենք լինում/գալիս են միայն նրանց համախոհները), նույնն է լինելու, իսկ այս դեպքու քանի որ դեռ չես կարող "երգը փոխել:, երգին երգով պետք է պատասխանել, ՄԵՐ ԵՐԳՈՎ, որի ձայնն ավելի բարձր պիտի դարձնել...

[talinci]

>երգին երգով պետք է պատասխանել, ՄԵՐ ԵՐԳՈՎ, որի ձայնն ավելի բարձր պիտի դարձնել...
Գիտեմ էդ պիտիները, բայց դա արդեն ուրիշ երգ է :)

[koreolan]

///կամ էլ իր դավաճանական հայացքները գաղտնի պահի///

Իսկ ինչու՞ է քեզ թվում, որ իր հայացքները դրանք են:

[talinci]

Իր պահվածքից ու խոսքերից

[koreolan]

Եթե մարդը ինչ-որ մի բան է ասում, դա դեռ չի նշանակում, թե նա այդպես է մտածում:

[talinci]

>մարդը ինչ-որ մի բան է ասում, դա դեռ չի նշանակում, թե նա այդպես է մտածում:
Գիտեմ իդեպ ու եթե այդպիսի տպավորություն լիներ, ապա չէի գրի:
Ասելուն էլ ձև կա: Մարդ կարող է այնպես ասել, որ հասկացվի, թե ստիպված է ասում, բայց սա էդ դեպքը չի: Եթե չես հավատում, դա արդեն քո գործն ա, բայց ես համոզված եմ իմ ասածներում

[koreolan]

Հասկացնելը դա արդեն ընդդիմության գործառույթն է:

[koreolan]

Իմ ասածը հետևյալն էր. իշխանությունը ինչ-ինչ հանգամանքներից ելնելով կարող է ասել և ասում է բաներ, որոնք իրականությանը չեն համապատասխանում: Դա կարող է մոլորեցնել հասարակությանը: Առողջ քաղաքական դաշտի պարագայում ընդդիմության գործառույթն է, իսկ ես նույնիսկ կասեի հիմնական գործառույթներից մեկն է, անընդհատ հիշեցնել հասարակությանը իրականության մասին: Տվյալ դեպքում դա ընդդիմության գործառույթը պիտի լինի անընդհատ հիշեցնել հասարակությանը, որ ոչ մի տարածք չի հանձնվելու, Արցախը մարզ է և ոչ թե անկախ պետություն, Թուրքիան ու Ադրբեջանը թշնամի են, Վրաստանը այնքան էլ մեր բարեկամը չէ և այլն, և այլն, և այլն:

[talinci]

Մեզ մոտ հիմնական ընդդիմության հետ իշխանությունների մոտ տարաձայնություններ չկան էս հարցում
Իմ ասածն էլ էն էր, որ ՊՆ նախարարի համար թեկուզ "իրականությանը չհամապատասխանող" բաներ չի կարելի ասել, արդեն ասել եմ թե ինչու: Նախարարի հայրենիքը պաշտպանելու գործառույթը ոչ մի կերպ չի համընկնում "իրականությունը չհամապատասխանող" ելույթների հետ: Նախարարը հեյրենիքը պետք է պաշտպանի, ոչ թե ուրիշներին համոզի այն թշնամուն հանձնելու մասին (թեկուզ ձևական, չնայած ես այդպես չեմ կարծում):

[koreolan]

///Մեզ մոտ հիմնական ընդդիմության հետ իշխանությունների մոտ տարաձայնություններ չկան էս հարցում///

Այո, ցավոք սրտի քաղաքական դաշտում ընդդիմադիր համարվող ուժերը ի վիճակի չի նման գործառույթներ իրագործել:

///Իմ ասածն էլ էն էր, որ ՊՆ նախարարի համար թեկուզ "իրականությանը չհամապատասխանող" բաներ չի կարելի ասել, արդեն ասել եմ թե ինչու: Նախարարի հայրենիքը պաշտպանելու գործառույթը ոչ մի կերպ չի համընկնում "իրականությունը չհամապատասխանող" ելույթների հետ: Նախարարը հեյրենիքը պետք է պաշտպանի, ոչ թե ուրիշներին համոզի այն թշնամուն հանձնելու մասին (թեկուզ ձևական, չնայած ես այդպես չեմ կարծում):///

Միգուցե և ճիշտ ես, թեև ինքս մի քիչ այլ պատկերացումներ ունեմ: