Святая Праведная Блаженная Матрона Московская
kiev-brat.kiev.ua/templates/Default/2010/svyat1/apr19-matrona.html
Молитва к блаженной старице Матроне.
О блаженная мати Матроно, услыши и приими ныне нас, грешных, молящихся тебе, навыкшая во всём житии твоем приимати и выслушивати всех страждущих и скорбящих, с верою и надеждой к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетном мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго, помози донести житейский свой Крест, снести все тяготы жития и не потеряти в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним; помози нам по отшествии из жития сего достигнути Царствия Небеснаго со всеми угодившими Богу, прославляюще милосердие благость Отца Небеснаго, в Троице славимаго, Отца и Сына, и Святого Духа, во веки веков. Аминь.