Адэса і Затока (ліпень 2015)
Помнік герцагу дэ Рышэльё
Апошні раз у Адэсе я быў больш за год назад, за дзень да трагічных падзей 2 мая 2014 года, калі ў выніку сутыкненняў паміж сепаратыстамі і праўкраінскімі актывістамі загінулі людзі. Падчас мінулага прыезду горад гудзеў ад мітынгаў, а ў гэты раз атмасфера на вуліцах стаяла вельмі міралюбівая. Адэса святкавала Дзень ваенна-марскога флоту Украіны, таму ў горадзе ішлі святочныя мерапрыемства і было многа турыстаў.
Дом прафсаюзаў, у якім у маі 2014 года загінулі людзі
Канцэрт на плошчы Астапа Бендэра
Пацёмкінская лесвіца
Адэскі порт
З-за святкавання Дня ВМС ля прычала марскога вакзала стаялі ваенныя караблі, кожны жадаючы мог на іх падняцца.
Фрэгат "Гетман Сагайдачны" з'яўляецца флагманам ваенна-марскога флоту Украіны
Ракетны катэр "Прылукі"
Дом з атлантамі
Адэскі нацыянальны акадэмічны тэатр оперы і балета
Музей васковых фігур
Канатная дарога
Кавярня "Кампот"
З Адэсы я паехаў у пасёлак Затока, вядомы ўкраінскі курорт на Чорным моры.
Затока размешчана ў шасцідзесяці кіламетрах ад Адэсы на пясчанай касе. Да курорта пяць разоў на дзень ходзіць электрычка, таксама многа маршрутак і аўтобусаў.
У Затоцы я правёў два дні. Спачатку стаяла спёка, мора было цёплае і без водарасцей, але на другі дзень надвор'е сапсавалася - безупынна ішоў дождж.
Затока мне спадабалася тым, што вельмі нізкія кошты і ёсць турыстычная інфраструктура (рэстараны, экскурсіі, клубы і г.д.).
Цэнтральная алея
Кінатэатр "Хваля"
Піва ў рэстаране "Чарка Шкварка"
Развадны мост
Недалёка ад Затокі знаходзіцца Белгарад-Днестроўская крэпасць, закладзена яна была золатаардынскім ханам Берке ў XIII стагоддзі.
