Хьежадергах Iадсаькх деттар - Iалаьмате хоза спорт я
Ялх-ворхI шу хьалха хайра саг вацар вай республике Iадсаькх детта спорт фу я ховш а, цунах кIеззига мукъагIа, кхетам болаш а. ТIаккха, 2009 шера Арсамаков Исраила «Кавказа ловзараш», аьнна, цIи а тилла ший проект йолайича, цу юкъе дахар кхыча яхьашца, Iадсаькх тохар а. Эггара хьалха цу яхьашта лаьрххIа,
кIарцхала гаьнех Iадсаькхаш дир цIи хезача гIалгIай суртдиллархочо, скульптора, Поаланкхой Мурада, царца тIаьскаш а. МоцагIа, шийна, Йовле, маьлхара каша чура корадаь хиннача Iадсаькха тара а даь, дир цо уж. Ала деза, дукхагIа дола къаьнарча ханара Iадсаькхаш вай мехка, кIарцхала гаьнех деш хинналга. Цхьа моллагIа йола га мегаш хиннаяц Iадсаькхашта. Англе а, Франце а, цхьацца болча Европан мехкашка, тис яха га хиннай эскара Iадсаькхаш деш хиннар, хIаьта вай мехка кIарцхал хоржаш хиннай.
ЦхьоалагIа, шоаллагIа «ГIалгIай ловзараш» йистедаьлча, дукха Iадсаькхаш, тIаьскаш кагделар, дехар, тIаккха спорта министерствас лаьрхIар ийца олимпийски Iадсаькхаш хилийта цу яхьашка. Аьлар - хьадир.
Цул тIехьагIа ца хаддаш, наггахьа мара шоллагIа моттиг ца йоаккхаш хьабоагIа ЖIайрахара спортсменаш. Черкесске, Нальчике, Пятигорске хиннача «Кавказа ловзарашка» 2-3 меттигаш яьхай цар.
Тахан из спорт дукхаезаенна, дукха бераш а, кагирхой а ба лоамарча юрташка. Бакъда, дукхагIа болчар аьттув бац цу спорта эша хIама эца, е секции хургъя, аьнна, хIама а дац.
Ткъаь итт -ткъаь пхийтта шу хьалха, цIен кIалхенашка, спорта лаьрхIа йоацача моттигашка Наьсарера бераш къахьегаш долча хана, цханнена дага а дацар гIалгIай дерригача дунен яхьий, Олимпа ловзарий чемпионаш хургба, аьнна. ХIаьта лоамара берий цIий чу ба нийса топ тохарцара чам, безам. Топашцара гIулакх юхаоза дезаш хиларах, Iадсаькх тохар боарам боацаш, дукхадезаеннад царна. Са сай цIагIа мел дола бер Iадсаькх тохаш да, царна лаьрхIа коа моттиг яьй аз, бакъда, секци йийлача, цу секце ухаргволаш бIаь совгIа саг ва, зIамига а, воаккха а. Олимпа чемпионаш ца хуле а, дукха харц хIама дутаргдар цар цу спорта тIабийрзача, хIана, аьлча кхыйола спорт ухаза дIайолае хала я, тренераш ца хиларах.
Дикка Iадсаькх тохаш лоам а, республике а волаш ва цхьа иттех саг хIанз а. Уж ба: Льянова Iайна, Цурова Зульфия, Сапралиева Дана, Оздоев Хасан, Цороев Умар, Цурова Хяди, иштта кхыбараш а.
Къаьстта баркал ала беза бар са, цу берашта новкъостал даьча наха. Шоай цIи хьа а ца оалаш, баркал а ца дехаш, дикагIа дола Iадсаькхаш дайтад, шийца мел хила еза хIама а йолаш, Москверча гIалгIаша Льянова Iайнана, Цурова Зульфияйна. Даьла раьза хилва царна!
Иштта доккха баркал да Магаса мэра, ЦIечой Беслана, новкъостал дирах. «Европан тара хилийта беза вай мохк», - йоах Беслана, цудухьа майрра тIаэц цо моллагIа керда уйла, лаьрхIа хIама, вай мохк хозбергболаш из хилча.
КIеззига дIататта аьттув хилча, лоама тIера чуйоагIа хьетт санна, йоакхлуш шерлуш дIагIоргъолаш яр из хоза спорт. Санкцеш бахьан долаш, экономика хьалхагIа санна дика еце а, шеко яц Россе спорт йолаш хургхилар. ХIаьта, гайна-ганза, гIалгIай Iадсаькххой а юкъе баха мег Россе командашка. Тешаргда-кх вай цу хIамах. Тешарах зе мича хул.
Р. Чура Наькъан
Сердало
кIарцхала гаьнех Iадсаькхаш дир цIи хезача гIалгIай суртдиллархочо, скульптора, Поаланкхой Мурада, царца тIаьскаш а. МоцагIа, шийна, Йовле, маьлхара каша чура корадаь хиннача Iадсаькха тара а даь, дир цо уж. Ала деза, дукхагIа дола къаьнарча ханара Iадсаькхаш вай мехка, кIарцхала гаьнех деш хинналга. Цхьа моллагIа йола га мегаш хиннаяц Iадсаькхашта. Англе а, Франце а, цхьацца болча Европан мехкашка, тис яха га хиннай эскара Iадсаькхаш деш хиннар, хIаьта вай мехка кIарцхал хоржаш хиннай.
ЦхьоалагIа, шоаллагIа «ГIалгIай ловзараш» йистедаьлча, дукха Iадсаькхаш, тIаьскаш кагделар, дехар, тIаккха спорта министерствас лаьрхIар ийца олимпийски Iадсаькхаш хилийта цу яхьашка. Аьлар - хьадир.
Цул тIехьагIа ца хаддаш, наггахьа мара шоллагIа моттиг ца йоаккхаш хьабоагIа ЖIайрахара спортсменаш. Черкесске, Нальчике, Пятигорске хиннача «Кавказа ловзарашка» 2-3 меттигаш яьхай цар.
Тахан из спорт дукхаезаенна, дукха бераш а, кагирхой а ба лоамарча юрташка. Бакъда, дукхагIа болчар аьттув бац цу спорта эша хIама эца, е секции хургъя, аьнна, хIама а дац.
Ткъаь итт -ткъаь пхийтта шу хьалха, цIен кIалхенашка, спорта лаьрхIа йоацача моттигашка Наьсарера бераш къахьегаш долча хана, цханнена дага а дацар гIалгIай дерригача дунен яхьий, Олимпа ловзарий чемпионаш хургба, аьнна. ХIаьта лоамара берий цIий чу ба нийса топ тохарцара чам, безам. Топашцара гIулакх юхаоза дезаш хиларах, Iадсаькх тохар боарам боацаш, дукхадезаеннад царна. Са сай цIагIа мел дола бер Iадсаькх тохаш да, царна лаьрхIа коа моттиг яьй аз, бакъда, секци йийлача, цу секце ухаргволаш бIаь совгIа саг ва, зIамига а, воаккха а. Олимпа чемпионаш ца хуле а, дукха харц хIама дутаргдар цар цу спорта тIабийрзача, хIана, аьлча кхыйола спорт ухаза дIайолае хала я, тренераш ца хиларах.
Дикка Iадсаькх тохаш лоам а, республике а волаш ва цхьа иттех саг хIанз а. Уж ба: Льянова Iайна, Цурова Зульфия, Сапралиева Дана, Оздоев Хасан, Цороев Умар, Цурова Хяди, иштта кхыбараш а.
Къаьстта баркал ала беза бар са, цу берашта новкъостал даьча наха. Шоай цIи хьа а ца оалаш, баркал а ца дехаш, дикагIа дола Iадсаькхаш дайтад, шийца мел хила еза хIама а йолаш, Москверча гIалгIаша Льянова Iайнана, Цурова Зульфияйна. Даьла раьза хилва царна!
Иштта доккха баркал да Магаса мэра, ЦIечой Беслана, новкъостал дирах. «Европан тара хилийта беза вай мохк», - йоах Беслана, цудухьа майрра тIаэц цо моллагIа керда уйла, лаьрхIа хIама, вай мохк хозбергболаш из хилча.
КIеззига дIататта аьттув хилча, лоама тIера чуйоагIа хьетт санна, йоакхлуш шерлуш дIагIоргъолаш яр из хоза спорт. Санкцеш бахьан долаш, экономика хьалхагIа санна дика еце а, шеко яц Россе спорт йолаш хургхилар. ХIаьта, гайна-ганза, гIалгIай Iадсаькххой а юкъе баха мег Россе командашка. Тешаргда-кх вай цу хIамах. Тешарах зе мича хул.
Р. Чура Наькъан
Сердало