Новая зямля

[spooky12]

Колькі разоў ня браўся за Новую зямлю, усё ніяк не магу яе асіліць. Тыя шматлікія рэчы, якія апісвае аўтар, проста немагчыма ўявіць, бо ў жыцьці іх ніколі ня бачыў. Праз гэта звычайны коласаўскі рэалізм успрымаецца цяжэй за паэзію Кляшторнага. Варта якой-небудзь катэдры беларускай літаратуры стварыць сайт з тлумачэньнямі кожнае главы паэмы і

Comments

[zaprudski]

пасыл, несумненна, слушны
у нас мала такой тлумачальнай літаратуры
карыснымі былі б, відаць, выданні з мастацкімі ілюстрацыямі
З цікавасці:
1. А ў школьнай хрэстаматыі хіба няма хоць якіх тлумачэнняў?
2. Паэзія часта ўзнікае там, дзе нам нешта "незразумела". :)
3. У якіх месцах больш за ўсё "буксавалі"?

[spooky12]

У мяне 14-томнік Коласа, у ім ёсьць колькі камэнтароў датычна экзатычнай лексыкі, але збольшага падаюцца рукапісныя варыянты некаторых разьдзелаў.

Буксую ў тых месцах, дзе найбольш прысутны сялянскі "топас", калі хочаце. Далей за трэцюю главу не заходзіў. Магу адзначыць, што Тарашкевічавы пераклад Пана Тадэвуша даўся нашмат лягчэй, хоць вакабуляр там таксама адметны.

[zaprudski]

вось-вось, я таксама хацеў сказаць, што ў "Пане Тадэвушы" там таксама ўсякае рознае. Цікавае супастаўленне.

[zaprudski]

што сялянскі топас можа ствараць праблемы, можна назіраць часта

Ніяк не забудуся, як мы гуртом, часам камічна, абмяркоўвалі каня :) http://by-mova.livejournal.com/907568.html

[spooky12]

Ага, сачыў за гэтым абмеркаваньнем. Спробы рэканструкцыі ўражваюць :)