Ашура. Без музыки.
Yar kəlləni aşura günü, yar, öküz oğlu,
Zəncir ilə idrakını da sar, öküz oğlu.
Hər millət əgər elm ilə uğraşsa da, sən get,
“Şaxsey” bağırıb böyləcə çək car, öküz oğlu.
Qoy molla cibin dolduraraq rövzə bağırsın,
Döy kəllənə sən ağla da zar-zar, öküz oğlu.
Sındır qələmi, yax kitabı, ağlını susdur,
Çün böylə buyurmuşdur imamlar, öküz oğlu.
Daim Ömərə lənət oxursun gecə-gündüz,
İslam kitabında beləmi var, öküz oğlu?
Quranı açıb bir kərə əsla oxumazsan,
Bax gör necə qırmışdı da əfşar, öküz oğlu!
Ol başla düşünmək gərəkirkən nədən öylə,
Qan içrə batıb gör necə barbar, öküz oğlu.
Şah İsmayıla min kərə lənət ola çünkü,
Həm dinimizi eylədi də xar, öküz oğlu.
Ol zâtı qırıq İsmayılın bidətidir bu,
Olsun Səfəvilər soyuna ar, öküz oğlu.
Yar kəlləni aşura günü, yar, öküz oğlu...