(no subject)
راسي يابس مابي نوم
تذكرت قبل كم يوم كنت كاتبه البرسوتال مسج بالمسن "بي نوم"
ودخلت علي يورين وقالت فكري بياسان وتنامين
الحين بعكس الآيه وبفكر بياسو يمكن يجين نوم..
بقعد أدبعن وأكتب الأشياء اللي عندي عنه, لغدي يورين تخق زياده
حفاظاً على أجهزتكم من التعليق, حطيتهم بالأل جي كت
September 11, 1984
كان ياما كان.. في هذا الزمان
فيه ولد صغنطوطي كيوت
اسمه
Shota Yasuda
منتفين حواجبه
الله يرحم حاله مارو, من يوم انه بزر وهو مفهي
.
.
.
.
.
.
.
هذا الإنسان
كيوت, حبّوب, حنون, مؤدب, حساس, مرهف المشاعر, فنان, مبدع
الزبده, هو واحد ماله مثيل
لولا الله ثم اخت ياسان, كان ماشفنا خشته
لأنها سلمكم الله هي اللي قدمت طلب لأخوها في شركة الجونيز..
وعلشان أكون دقيقه كان شو تشان عمره 13 سنه بس فيه مواقع يقولون كان عمره 14..
والطلب كان في عام 1997
من حظه هو وأخوياه (عيال طوكيو وكانساي: يامابي وشلته, يوكو وشلته) إنهم منضمين بذيك الفتره..
تدرون ليش؟
أنا أقولكم ليش, لأن هذي الفتره يسمونها بالعصر الذهبي للجونيورز وخصوصاً كان فيها الأطخم تاكي
وعلى ذمة وحدة باللايف جورنال تقول بهذه الفتره كانت المره الأولى للجونيورز يعملون حفلات الحالهم من دون السينباي
لكن حبيبنا مااشتهر كثير بذيك الفتره
..
لأن عيال كانساي مالهم حظ
..
والثلاثه اللي كانوا معروفين كثير هم: هينا, سوبارو, يوكو..
وعقبها بسنه لحقهم ريو وصار مشهور
..
والصغنون ياسو ماله حس
لكن ولله الحمد الحين صار معروف
كيوت
هالولد مهما لبس..
مهما خلقن..
كل شي يجي منه حلوه
ردة فعل أي شخص يشوفه تكون: ياااي كاواااي
هو الولد الوحيد بالعالم <<ركزوا بقوه على العالم
اللي يناسبه لبس البنات<< بدت تخربها البنت
يلبس اللي يبيه.. ويمشي بين الناس بكل ثقه
وش علينا من الناس.. وش على الناس منا <<<تذكرت خالتي قماشه
مو كأنه من الحريم اللي دايم نشوفهن بالأنمي
بالله مو لو يسوون عرايس له كان يغطي على باربي وخوياتها
مين يوافق رأيي
بالله عمركم شفتم واحد ماسك القيتار وطالع كيوت مثله
توني
ياقلبي عليه يوم يسألونه وش اسمك, قال صياد
بعدين يوم ضحكوا عليه قال اسمي توني
حتى وهو صياد طالع كيوت
يدنن ياناشو عليه
وش سالفة النظاره اللي يتقاطون بها
لايفوتكم ريو منسجم مع اللاب توب
أنا مئدرش على كده
اللي عندها صوره مثل هذي بالظبط من دون الكتابه تعطيني اياها
ياقلبوش ياناشو على الزنوبا <<<برا
حبوب
شوتا مره حبوب مع الكل, ويراعي مشاعر اللي حوله
ولأن الكل يحبه *خصوصاً كانجاني* مستغلين هالنقطه فيه وطايحين فيه تعليق وضحك وتكفيخ
سوبارو, يكفخ ريو وشوتا ويدفهم
وااااه.. شكله كيوت وهو ضايع
يوكو على هونك لاتمصع الولد
ياطويلات العمر هذي سالفه يحكيها ياسو بأحد المجلات:
"هذا صار من فتره, لكن بأول لحظه دخلت وقلت لموراكامي "صباح الخير" بالسيب, كفخني!! الظاهر إنها ردة فعله من الملابس اللي كنت لابسها, الحين أعرف هو وشلون يعبر عن حبه, لكن من زمان ماكنت أعرف"
شينغو رد عليه وقال:
"أكيد بكفخك مايبيلها كلام! بالليله اللي قبله كنت أنت لابس "جينبي" وقلتلك إن عملنا هو بيع الأحلام!, لكن اليوم اللي بعده لبست شورت باين إنه جاي من اسكوتلندا"
بالله فهمتم كلام هينا ؟؟؟!!!
مؤدب
هالأدمي ذابحه الأدب
مره من المرات كان بأحد الفنادق,, طلب أكل وعقب ماخلص ترك نوته مع الأكل..
تتوقعون وش كان كاتب؟؟
Gochisousama deshita"
هذي يقولونها اليابانيين بعد الأكل
للأسف أنا ماقدرت أكمل أكل الأكل اللي سويتوه لنا,, تقبلوا اعتذاري الصادق,, لكن كان لذيذ بالمره, شكراً لكم كثير لأنكم مهتمين بنا"
وأخونا كاتبها باللغه الرسميه يعني مقطعه الأدب
------------------------------------
ترجمت لكم المواصفات اللي يبيها ياسان بالبنات
- لما أشوف وجهها أحس براحه
- شعرها يكون لونه خادع <<يعني تشوفونه كذا لون بس انه لون واحد
- ترفع شعرها بشباصه << اقلقنا بكل مقابله يقولها
- تستخدم مكياج طبيعي<< يعني لاتكبين المكياج كنتس رايحه لعرس
- تنسجم مع اللي حولها بابتسامه
-عندها ذوق خاص فيها
- شاطره باختيار الملابس اللي تناسب قياسها
- يكون حسها للملابس مو مثله << الظاهر يقصد الذوق
- لاعمر رجلتس تطب بالكعب << متعقد من طوله
- تكون الجزمات وانتم بكرامه من اهتماماتها <<يعني تحب تشتريهن
الشخصيه
- تكون متميزه << ماعرفت اجيبها صح لكنه يقصد إنها ماتقلد احد
- تكون مؤدبه بأخلاقها
- غرفتها نظيفه
- يكون مظهر شخصيتها حلو
- ممكن تكون لها منصب <<يعني سينباي بالعمل وماتكون مبتدئه
- تقدر تتكلم بجد في المناقشات
- حتى لو كان ساكت, تقعد معه
- تقدر تطبخ
- ماتغش<< مهوب بالاختبار
- عندها اصدقا وصديقات كثار
- تكون قريبه لمه دايم
- تعرف حدودها دايم اذا شربت الكحول
- تكون فرحانه بوجوده
- تقول كل شي تبي تقوله
- دايماً تقول "إيتاداكيماس"
يعجبه ومايعجبه
- يعجبها شرا الملابس, لكن لاتصرف فلوس كثيره
- تحب القبه الفلكيه
- تحب الموسيقى
- ماتقتل الحشرات
- تحب تروح لحديقة الحيوانات
علاماتكن:
اقل من عشر نقاط: مافيه أمل
اجتهدي الله يصلحتس
11-18 نقاط: تقدرين تصيرين صديقته بس
19-25 نقاط: تقدرين تصيرين حبيبته
اكثر من 26 نقطه: تقدرين تتزوجينه
وش بتحصلين إذا صرتي حبيبته:
- تقدرين أنتي وياه تكبرون مع بعض بالدافع والتشجيع اللي تتبادلونه
- تقدرين تطلعين معه تتسوقين
- بياخذتس للقبه الفلكيه
- بيمسك ايدتس بمواعيدكم
تقدرين تسمعين الميوزيك 24 ساعه باليوم -
-------------------------------
مرهف المشاعر
دمعته بعينه ويصيح على طول
ياسان من النوع اللي مايخفي مشاعره ويستقوي يعنني رجال مااصيح
يصيح عن أشياء يمكن بعضنا نقول إنها سخيفه,,
لكن الولد حر بعمره خلوه يصيح
هون
مابقى أحد بالنت ماوريته هالمقطع
هنا شوتا يصيح علشان سوبارو سرق الفراوله حقته
وفيه بعد المقطع اللي صاح فيه ببرنامجهم موتشابوري..
لأن ضيفهم قعد يغني أغنيه وياسو تأثر فيها وصاح
مالقيت فديو لها لكن الصوره تكفي, وكالعاده هينا عطاه كفخه على راسه
فنان
ياويلي عليه
هالآدمي اذا مسك القيتار وخروا عنه
ابداع ورا إبداع
ودئي يامزيكا << برا النص
لا عاد اذا جينا الجد
عزفه خاقوقي
وياربيه اروح سلطه على عزفه بالسولو
أغنيته واتاشي كاقامي
ياربيه على كلماتها
لحنها
كل شي في ذيك الأغنيه حلو
إيدن
مقطع السولو حق قيتاره
ميسيتيكرووووووو
قلووووب تناقز من بيتنا بالرياض إلى بيته بطوكيو
كرونشي رول لاعب بأم جودة الصوت والفديو
مبدع
مع إنه ممثل ومغني ويعزف على القيتار,, إلا إن فيه صفه ثانيه بعد
يبي يكون مصمم << لأنه يحب الدبعنه
إن جينا للجد.. هو يلبس خلاقين
لكن خلاقينه لها نكهه مميزه
يعني لو تشوفونه على بعد 100 كيلو على طول بتعرفون إنه ياسو
ياحبه للمطرسه بالألوان
كانت له تجارب بالتصاميم وهذولي هن
بهذي المجله خلو ياسو يسويله تيشيرت.. والترجمه هي:
شوتا ياسودا (22) هو قائد للأزياء بكانجاني 8!, اليوم بيحاول يسويله تيشيرت مميز (يعني مافيه مثله بالعالم). لبسه اليوم كيوت ومغطى بلون الوردي "أنا دايم ألبس كذا لكن الناس يقولون لي ماتقدر تمشي بطوكيو كذا, لكني ماأهتم! لأني أحب الألوان الزاهيه, بعض ملابسي الداخليه ألوانهن كذا بعد, أحب أسوي أشياء كثيره, أهلي يسوون طواقي, وأنا بعد رسمت بوسترات لـ"انقذوا الماء" و " الحفاظ على المرارد الطبيعيعه" يوم كنت بالمتوسط"
علشان يصمم التيشيرت, أول شي سواه تشاور مع الطاقم المساعد وياسودا على طول قرر أنه يبي يصمم شي بسيط وله طابع ياباني, اختار اللون الأبيض, الأحمر وورود بنفسجيه, كواهم على التيشيرت وخيطهم وخلص! ياسودا صرخ"واو! هذا مره كول!! ياااي!!"
أعتقد إنه بيكون كيوت لو خليت الأمام ستايل والخلفيه تكون مليانه ألوان, شكراً لكم كلكم""
أما مسرحيته 818 يبيلها جلسه ألحالها.. أريقاتو رينوا على الروابط
-------------------------
مقابله من مجلة دويت عدد اغسطس
From August Duet's "Kanjani8's 30 mysteries" corner.
وشو أكلك المفضل؟
الكاري, الكاري حق امي هو احسن شي
اقل اكل تحبه؟
ناتو. ريحته شينه, مر وطعمه شين
وشو فطورك اليوم؟
مااكلت فطور اليوم, لكن دايماً اكل رز<<يالله صباح خير
وشوربة الميسو.. بيض وشريحة لحم
رياضتك اللي تحب؟
كرة الطائره
نوادي كنت فيها يوم انك طالب؟
يوم كنت بالصف السابع كنت بفريق كرة الطائرة لمدة نص سنه
ألوان تحبها وألوان ماتحبها؟
اللون اللي أحبه الأصفر, اللي ماأحب... مافيه, لكن عندي ملابس صفرا كثيره
أي نوع من البنات تحب؟
البنات اللي اقدر احترمهن, أنا انجذب للبنات اللي عندهن صفات مهوب بي
وش تقول لبنت اعجبتك؟
أقولها بصراحه. "أنا معجب بك, من فضلك اخرجي معي"
إلى أي مدى تنتظر البنت علشان تطلعون لموعد؟
مهما كان الوقت
روتين موعدك المفضل؟
الأفلام, او التسوق. حديقة الحيوان أو الحديقة الترفيهيه. ابي اطلع لموعد عادي مو مبالغ فيه
قبلتك الأولى؟
بالصف الثامن
متى تبي تزوج؟
إذا صار عمري حول 30؟ أنا ماافكر بالزواج الحين فماأدري
وش أول شي تسويه أول ماترجع للبيت؟
اغسل ايديني, هناك جراثيم كثيره برا
وش تنام فيه؟
بس بالبوكسر, لكن بالشتا إذا كان برد البس بنطلون ترنقه<<حرفت بأم الترجمه
حلم حلمته هالايام؟
ماحلمت هالايام
وش تسوي إذا ماقدرت تنام؟
ماأدري لأن ماصارت معي لأني أنام بسرعه واقدر انام بعد خمس دقايق على طول إذا حطيت راسي
تاخذ دش سريع؟
تقريباً عشرين دقيقه
وش تغسل قبل؟
راسي بعدين جسمي, بعدين وجهي وأفرش اسناني
اي نوع من الرخص تبي تصير معك؟
مصمم, مثل تنسيق الألوان
وش تفكر فيه مؤخراً؟
وش اسوي بلون شعري, أبي أخلي لونه بنفسجي لكن.... المهم إني مليت من لون شعري هذا
شي ماتحبه بجسمك؟
طولي, أبي يصير طولي 175 << بالمشمش
قلنا سر عن جسمك؟
عروقي اللي بيدي تترحك, لو مسكت معصمي ولفيت عظمي, العرق اللي فوق العظم يتحرق من مكانه, صعب انكم بتفهمون وش اقصد بدون ماأوريكم وشلون...<<ياليتك مورينا لأني مافهمت
من هو أقرب واحد لك بالجونيز؟
كل كانجاني 8, تراهم كنزي
شي واثق انك تسويه؟
أقدر أقلد دونالد دك (البطه بديزني) لأني اقلده من يوم عمري 6 سنين
ألقابك؟
ياسو, ياسان, شو-تا, وأنا أحب أكثرهن شو-تا
سؤال من هينا: وشو أنت؟ أنت! وشو أنت؟
وشلون أجاوب على سؤال يقول وشو أنت!!
سؤال من يوكو: الحين أنت ماخذ الأمور بسهوله؟
لأن كلهم يقولون إني أحاول بقوه؟ خلاص من اليوم ورايح بحاول اصير رايق
من مارو: وش أخبار القيتار؟
ألمسه يوميا! هو بخير! أبي أكتب أغاني كثيره
أي شي تبي تسأله لأخوياك بالفريق؟
هينا؟
صرت أتمشى معكم أكثر, صح؟
يوكو؟
متى بترجع لي الديفيدي اللي أخذته مني؟
سوبارو؟
هل بديت تعجب فيني ولا لا؟
أوكورا؟
وشلون أصير أكبر؟
مارو؟
وش لازم أسوي علشان يصير مارو يتكلم أكثر معي؟
أوتشي؟
وشي آخر روايه قريتها؟
ريو تشان؟
اذا صرت وحيد كلمني, فهمت؟
---------------------------
فيه نظره لياسو أنا ملاحظتها.. ودايماً أشوفها إذا كان يرقص عالمسرح
حاولت ألقط الصوره زين بس عجزت
هل أنا الشخص الوحيد اللي ملاحظ هذه النظره
أحس إن نظرته شريره أو تقول أنا أحسن منكم << ياشين اللي يتفلسفون
ستايلات شعره
باباراتزي
وخلص الإنتري
حبتين
هاه يورين بشري؟؟