Падтрымай палітвязьня!
Увага!
У зьвязку ў тым, што большая частка рэспондэнтоў-палітвязьняў (а іх у нас 13) не адказвае на спробы кантактаваць зь імі, зьявілася ідэя правесьці разавую акцыю іхняе падтрымкі: даслаць кожнаму замоўным лістом, ня дзелячы на сваех-чужых, па 10 капэртоў і 10 паштовак з маркамі (можна паспрабаваць яшчэ хоць пару стрыжняў для асадак). То бок, зрабіць гэнае арганізавана й раўнамэрна. Бо ёсьць падазрон, што палітвязьні ня могуць гэнага зрабіць часта фізычна. Я ўсьведамляю, што такія акцыі трэба рабіць штомесяц, але яны вымагаюць пэўных сродкаў. Адна такая акцыя падтрымкі каштуе ад 600 тысячаў. Палову грошай мы ўжо знайшлі, засталося знайсьці яшчэ 300. Таму, калі ў каго ёсьць жаданьне прыняць удзел, як кажуць, увайсьці ў долю, пішэце ў паведамленьні, а, калі хочаце, нават у камэнты. Бліскіх палітвязьняў, і тых, хто ўжо ў долі, прашу не непакоіцца.
Апроч таго, лісты ад іх і да іх, як мы ўжо ведаем, даходзяць праз адзін. Спяшайцеся, бо з вамі ці без вас, мы ўсё роўна гэнае зробім.
Фота Таполя/Навіцкі.
**********
Акцыя "Падтрымай палітвязьня" ёсьць зьдзейсьненая. Кожнаму з 13-ці замоўленым лістом дасланае па 10 капэртоў, 10 паштовак з маркай і 2 стрыжні. Выканаўца - Танго Таполя. Дзякуй за ахвяраваньні:
група "За Волю" - 346 тыс.,
Адэля - 100 тыс.,
Таполя - астатняе.