Дзень Святога Валянціна - адно з самых загадкавых і цудоўных святаў. Дык святкуйма разам!
11 лютага, напярэдадні Дня ўсіх закаханых, Дзяржаўны літаратурна-мемарыяльны музей Якуба Коласа ладзіць музычна-забаўляльную імпрэзу "Песня натхнення".
ДА ЎВАГІ ТЫХ, ХТО РЫЗЫКНЕ ПРЫЙСЦІ:)
* іранічна-рамантычна-святавалянцінаўскае (з лёгкім налётам коласаўскага:) выступленне непараўнальнага гурта "ZnaROCK"
* падвядзенне вынікаў Літаратурнага конкурса на лепшы верш пра каханне (раздача сланоў, кампліментаў і экзальтаваных водгукаў:)
Падрабязна пра конкурс можна пачытаць
тут * феерычны спектакль "Кахання жар, альбо казка пра цярністы шлях да сапраўднага шчасця на прасторах беларускага лесу" (дзеці да 16 гадоў дапускаюцца толькі ў суправаджэнні бацькоў)
А ТАКСАМА
* святочная варажба на лёс і каханне
* магічны рытуал запісу свайго запаветнага жадання за сталом Якуба Коласа чарніламі і пяром паэта
* конкурсы і гульні, як для тых, хто вызначыўся са сваёй другой паловай, так і для тых, хто знаходзіцца ў актыўным яе пошуку
І КАНЕЧНЕ,
* кава ды печыва для ўсіх удзельнікаў імпрэзы
Пачатак мерапрыемства 11 лютага ў 18.30
Кошт уваходнага квітка - 5.000 бел. руб.
Адрас музея: г. Мінск, вул. Акадэмічная, 5 (за галоўным корпусам НАН Беларусі).
Па ўсіх пытаннях, што датычацца вечара, у тым ліку, як найлепей прайсці ў бібліятэку музей, чаму ўваход на такое цудоўнейшае мерапрыемства каштуе так мала і на які рахунак можна дасылаць грошы на падтрымку музея, звяртацца па тэлефоне 284 17 02:)
САРДЭЧНА ЗАПРАШАЕМ!