5 марта. Служба св. препмуч. Адріану, иг. Пошехонскому, чудотворцу
«Анто́нія Пече́рскаго духо́вное порожде́ніе, и Корни́лія Коме́льскаго пусты́нное воспита́ніе, Адріа́не преподо́бне, си́хъ добродѣ́тели въ себѣ́ совокупи́лъ еси́ и бы́лъ еси́ до́брый наслѣ́дникъ обои́хъ, съ ни́миже тя́ вку́пѣ, я́ко вѣ́рна уго́дника Бо́жія, въ пѣ́снѣхъ велича́емъ. - Духо́внымъ жела́ніемъ распали́вся, преподо́бне, вся́, я́же въ мíрѣ кра́сная, возненави́дѣлъ еси́, Христа́ еди́наго возлюби́въ, и, Его́ ра́ди оте́чество твое́ оста́вивъ, путе́мъ тѣ́снымъ ше́ствовалъ еси́ и́ноческаго житія́, Адріа́не преблаже́нне, моли́твенниче о душа́хъ на́шихъ. -Житіе́ твое́ благо́е во оби́тели преподо́бнаго Корни́лія, Адріа́не богоно́сне, привлече́ на тя́ благода́ть Ду́ха Свята́го, и бы́лъ еси́ сосу́дъ Его́ избра́нъ и че́стенъ. Тѣ́мже а́нгельскаго собесѣ́дованія досто́инъ яви́лся еси́ и Боже́ственныхъ видѣ́ній сподо́бился еси́, я́ко и́стинный Христо́въ уго́дникъ и моли́твенникъ о душа́хъ на́шихъ. - Госпо́дь, хотя́ яви́ти тебѣ́, преподо́бне о́тче, мѣ́сто пусты́нное для твоего́ безмо́лвія, посла́ къ тебѣ́ а́нгела Своего́ и наста́вника, и́же во о́бразѣ стра́нника ста́рца приведе́ тя въ пусты́ню, Бо́гомъ тебѣ́ предуста́вленную, и а́біе неви́димь бы́сть, Адріа́не богоно́сне, моли́твенниче о душа́хъ на́шихъ...» (М., 1912.) далѣе...