Послѣдованіе молебна (съ канономъ) за болящаго (1763)
«Ско́рый въ заступле́ніи еди́нъ сы́й, Христе́, ско́рое свы́ше покажи́ посѣще́ніе стра́ждущему рабу́ Твоему́, и изба́ви отъ неду́гъ и лю́тыхъ болѣ́зней, и воздви́гни во е́же пѣ́ти и сла́вити Тя́, моли́твами Богоро́дицы, еди́не Человѣколю́бче. - При́зри ми́лостивно, Го́споди, милосе́рднымъ Твои́мъ о́комъ на смире́нное на́ше моле́ніе, и не презрѣ́въ е́, человѣколю́бно посѣти́ болѣ́знію одержи́маго раба́ Твоего́, на́ми ны́нѣ къ Тебѣ́ припа́дающаго, и си́лою Твоего́ благосе́рдія воздви́гни его́, моли́твами Богоро́дицы, еди́не Человѣколю́бче. - Моле́ніе те́плое и Стѣно́ необори́мая, ми́лости Исто́чниче, мі́рови Прибѣ́жище, прилѣ́жно вопіе́мъ Ти́: Богоро́дице Влады́чице, предвари́, и отъ бѣ́дъ и болѣ́зней изба́ви раба́ Своего́, Еди́на вско́рѣ предста́тельствующая. - Я́коже воздви́глъ еси́ Петро́ву те́щу и спа́слъ еси́ разсла́бленнаго, носи́ма на одрѣ́, та́ко и ны́нѣ посѣти́ боля́щаго раба́ Твоего́, Ми́лостиве: Ты́ бо Еди́нъ еси́ понесы́й неду́ги ро́да на́шего, и Тебе́ Еди́наго свѣ́мы терпѣли́ваго, и милосе́рдаго, и ми́лостиваго Врача́ ду́шъ и тѣле́съ, Христа́ Бо́га на́шего, наводя́щаго неду́ги и па́ки возставля́ющаго, и подава́ющаго проще́ніе ка́ющимся о согрѣше́ніихъ, еди́не Милосе́рде и Всеми́лостиве. - А́зъ грѣ́шный пла́чуся, на одрѣ́ мое́мъ лежа́, проще́ніе пода́ждь, Христе́ Бо́же, грѣхо́мъ мои́мъ, я́же отъ ю́ности моея́ сотвори́хъ, и отъ болѣ́зни мя́ воздви́гни, да сла́влю еди́наго Всеми́лостиваго ду́шъ и тѣле́съ Врача́. - На одрѣ́ болѣ́зни лежа́щаго и...» (М., 1763.) далѣе...