Акаѳистъ преп. Григорію Пельшемскому, Вологодскому (1904)
«Конда́къ 1. Возбра́нный уго́дниче Христо́въ, свя́те Григо́ріе, я́ко благі́й ра́бъ, вше́дый въ ра́дость Го́спода твоего́, моли́ Влады́ку небесе́ и земли́ пода́ти на́мъ благода́ть свы́ше, съ терпѣ́ніемъ до конца́ понести́ благо́е и ле́гкое и́го Его́, да зове́мъ ти́, я́коже ча́да ко отцу́: Ра́дуйся, уго́дниче Христо́въ, Григо́ріе богому́дре. И́косъ 1. А́нгеловъ ли́цы твоему́ вели́кому во спаси́тельныхъ по́двизѣхъ терпѣ́нію удиви́шася. И мы́, ублажа́юще благода́тное зва́ніе твое́ на служе́ніе Го́споду, ра́достно возглаша́емъ тебѣ́: Ра́дуйся, отъ пеле́нъ избра́нный Бо́гу. Ра́дуйся, добро́тами Ду́ха издѣ́тска укра́шенный. Ра́дуйся, чистото́ю душе́вною возсія́вый. Ра́дуйся, зна́менія благода́ти я́вѣ въ себѣ́ носи́вый. Ра́дуйся, дре́во, насажде́нное посредѣ́ Це́ркве Бо́жія. Ра́дуйся, цвѣ́те Боже́ственнаго са́да. Ра́дуйся, благовоздѣ́ланная лозо́ виногра́да Христо́ва. Ра́дуйся, отъ ю́наго во́зраста тѣ́снымъ путе́мъ ше́ствовати избра́вый. Ра́дуйся, отъ мла́дости себе́ Христу́ возложи́вый. Ра́дуйся, уго́дниче Христо́въ, Григо́ріе богому́дре. Конда́къ 2. Ви́дя блага́я мі́ра сего́ скороте́чна и непостоя́нна, у́мъ тво́й ко Творцу́ возложи́въ, пренебре́глъ еси́ ро́да свѣ́тлость, ле́сть бога́тства вре́меннаго, и отъ ю́ности возлюби́лъ еси́ Возлюби́вшаго тя́, е́же взыва́ти къ Нему́: Аллилу́ія. И́косъ 2. Ра́зумъ лжеиме́ненъ ко спасе́нію вѣ́дя, озари́тися свы́ше восхотѣ́лъ еси́, сего́ ра́ди съ ра́зумомъ и во́лю въ послуша́ніе плѣня́я вѣ́рѣ, въ терпѣ́ніи восхотѣ́лъ еси́ стяжа́ти ду́шу твою́. Тѣ́мъ и мы́, отъ о́трочества тя́...» (СПб., 1904.) далѣе...