Акаѳистъ св. благ. вел. кн. Георгію, Владимірскому чудотворцу (1889)
«Конда́къ 1. Избра́нный уго́дниче Христо́въ, благовѣ́рный кня́же Гео́ргіе, возсія́вый мі́рови, я́ко звѣзда́ богосвѣ́тлая, свя́тостію и чудесы́ твои́ми, пріими́ похва́льная пѣ́нія любо́вію чту́щихъ святу́ю па́мять твою́ и со сро́дники твои́ми, святы́ми кня́зи Андре́емъ и Глѣ́бомъ, моли́ Христа́ Бо́га сохрани́тися неврежде́ннымъ на́мъ отъ ви́димыхъ и неви́димыхъ вра́гъ, да со умиле́ніемъ вопіе́мъ ти́: Ра́дуйся, святы́й благовѣ́рный вели́кій кня́же Гео́ргіе. И́косъ 1. А́нгельское житіе́ возлюби́въ отъ ю́ности и ко иска́нію еди́наго на потре́бу напра́вивъ по́мыслы твоя́, кня́же Гео́ргіе, ди́вный о́бразъ бы́лъ еси́ добродѣ́телей христіа́нскихъ и соверше́нства духо́внаго, тѣ́мже и возвели́ченъ бы́лъ еси́ на земли́ предъ бра́тіею твое́ю и на небеси́ просла́вленъ еси́ отъ Го́спода. Сего́ ра́ди сла́вяще, зове́мъ ти́ си́це: Ра́дуйся, богоизбра́нный кня́же земли́ Россі́йскія; ра́дуйся, пречестна́я о́трасль равноапо́стольнаго кня́зя Влади́міра. Ра́дуйся, свя́тости кня́зя Андре́я Боголю́бскаго подража́телю; ра́дуйся, благовѣ́рія кня́зя Глѣ́ба наслѣ́дниче. Ра́дуйся, я́ко тобо́ю гра́дъ Влади́міръ украша́ется; ра́дуйся, я́ко Бо́гъ въ тебѣ́ ди́венъ явля́ется. Ра́дуйся, святы́й благовѣ́рный вели́кій кня́же Гео́ргіе. Конда́къ 2. Видѣ́ніе пресла́вное Богома́тере, бы́вшее благочести́вому сро́днику твоему́ кня́зю Андре́ю, и мно́жество чуде́съ, явле́нныхъ отъ чудотво́рныя Ея́ ико́ны, укрѣпи́ша въ глубинѣ́ ю́ныя души́ твоея́, свя́те Гео́ргіе, пла́менную любо́вь ко Го́споду и усугу́биша святы́я по́двиги твоя́. Помози́ у́бо и на́мъ...» (М., 1889.) далѣе...