Акаѳистъ св. благ. кн. Всеволоду, Псковскому чудотворцу (1894)
«Конда́къ 1. Избра́нный уго́дниче Бо́жій, благі́й засту́пниче гра́да Пско́ва и всея́ держа́вы Россі́йскія, святы́й благовѣ́рный кня́же Все́володе-Гавріи́ле! Пріими́ отъ на́съ ми́лостивно сія́ пѣ́сни хвале́бныя и, я́ко имѣ́яй дерзнове́ніе ко Го́споду, моли́ся Ему́ вы́ну о спасе́ніи отъ вся́кихъ бѣ́дъ на́съ, грѣ́шныхъ, зову́щихъ ти́ ра́достно: Ра́дуйся, святы́й благовѣ́рный кня́же Все́володе-Гавріи́ле, те́плый о на́съ моли́твенниче. И́косъ 1. А́нгела нра́вомъ, а́ще и человѣ́ка естество́мъ, вѣ́мы тя́, святы́й благовѣ́рный кня́же Все́володе-Гавріи́ле, кро́тостію бо и ми́лостію преиспо́лненъ бы́лъ еси́, блаже́нне, и соу́зъ соверше́нства духо́внаго, любо́вь боже́ственную, стяжа́лъ еси́ отъ ю́ности твоея́, я́ко бы́ти тебѣ́ вои́стинну уго́дникомъ Бо́жіимъ, досто́йнымъ похва́лъ таковы́хъ: Ра́дуйся, отъ ко́рене свята́го произра́стшій; ра́дуйся, вели́каго и равноапо́стольнаго кня́зя Влади́міра пра́внуче благослове́нный. Ра́дуйся, благовѣ́рныхъ роди́телей сы́не; ра́дуйся, кня́жескаго ро́да прозябе́ніе честно́е. Ра́дуйся, роди́теля твоего́, кня́зя Мстисла́ва, добродѣ́тели унаслѣ́дивый; ра́дуйся, благоче́стію его́ и хра́брости подража́вый. Ра́дуйся, отъ млады́хъ лѣ́тъ стра́ху Бо́жію науче́нный; ра́дуйся, отъ ю́ности твоея́ чте́ніе сло́ва Бо́жія возлюби́вый. Ра́дуйся, моли́твами и ми́лостынями Бо́гу угожда́вый; ра́дуйся, цѣлому́дріемъ и воздержа́ніемъ себе́ украша́вый. Ра́дуйся, пра́ведниче Бо́жій, его́же пра́вда сія́етъ непомерка́емо во вѣ́ки; ра́дуйся, уго́дниче Христо́въ, просла́вленный на небеси́ и на...» (СПб., 1894.) далѣе...