17 Іюля. Служба преп. Иринарху, иг. Соловецкому (1910)
«По́стническое по Бо́зѣ житіе́ возлюби́въ, вся́ плотска́я мудрова́нія ду́ху покори́лъ еси́ и воздержа́ніемъ стра́сти умертви́лъ еси́, во трудѣ́хъ, и бдѣ́ніихъ, и моли́твахъ о́бразъ бы́въ добродѣ́тели, тѣ́мъ мона́шескаго житія́ наста́вникъ показа́лся еси́, о́тче преподо́бне Ирина́рше. Моли́ Христа́ Бо́га спасти́ся душа́мъ на́шимъ. - Чистото́ю душе́вною Боже́ственныя благода́ти да́ры стяжа́въ, блаже́нную жи́знь соверши́лъ еси́, и пу́ть ко спасе́нію всѣ́мъ указа́лъ еси́, и богому́дрый нача́льникъ мона́ховъ яви́лся еси́. Тѣ́мже имѣ́я дерзнове́ніе ко Святѣ́й Тро́ицѣ, помина́й на́съ, чту́щихъ па́мять твою́, да зове́мъ ти́: ра́дуйся, преподо́бне Ирина́рше, мона́шествующихъ похвало́. - Па́мять равноа́нгельнаго твоего́ житія́, преподо́бне Ирина́рше, дне́сь созыва́етъ мона́шествующихъ ли́къ воспѣ́ти по достоя́нію по́двиги твоя́, и́миже на высоту́ добродѣ́телей возше́лъ еси́ и бы́лъ еси́ нача́льникъ мона́ховъ, моли́ Христа́ Бо́га спасти́ся душа́мъ на́шимъ. - Въ честнѣ́й па́мяти твое́й ликовству́етъ вѣ́рныхъ собра́ніе, имѣ́я тя́ хода́тая къ Бо́гу непосты́днаго, подаю́щаго благода́ть приходя́щимъ съ вѣ́рою къ ра́цѣ моще́й твои́хъ, о́тче Ирина́рше, моли́твенниче о душа́хъ на́шихъ. - Свѣ́тло возсія́ на́мъ па́мять твоя́, блаже́нне Ирина́рше, свѣ́тлостію житія́ твоего́ озаря́ющи на́съ; сію́ у́бо пра́зднующіи и къ ра́цѣ моще́й твои́хъ притека́ющіи, ра́дости исполня́емся, просвѣще́ніе пріе́млюще душа́мъ на́шимъ. - О́крестъ честны́я твоея́ ра́ки стоя́ще, пѣ́сньми хвале́бными воспѣва́емъ...» (СПб., 1910.) далѣе...