problem z Rusinami tam u dakedišnjej Prikarpatskej Rusi

[rusbudet]

Grigorij, Grigorije - pozdravljaju s Novim Godom, Vinčujem z nahodi Novoho Roku - problem z Rusinami tam u dakedišnjej Prikarpatskej Rusi, nješkajšej Zakarpatskej oblasci Ukrajini nje u tim keljo ih tam išče jest nje-asimilirovanih, z druhima slovami na silu nje poukrajinčenih, alje u tim že ih tam i dalje trimaju jak Ukrajincoh. Jak Rusini, okremni i rozličiti narod od Ukrajinskoho bi mušeli buc pripoznati u statusu nacuionalnej menšini i da ih naspravdi jest ljem 10.000 keljo ih na falsifikovanim popisovanju 2001 roku upisali - ta anji tedi jak Rusinoh, alje jak Lemkoh, Bojkoh i Huculoh, jek demografskih-etničnih pripadnjikoh "ukrajinskoho etnosu htori pre specifični istorijni uslovija nje doscihli nacionalnu svidomosc, a začuvali stare meno Rusnak za označovanje pripadnjika ukrajinskomu narodu". Ukrajina nješka sama na švece htora nje odrucela politiku ekstremnoho ukrajinskoho nacionalizmu dzvihnutoho na urovenj deržavnej politki postanovljenijem kominterni, KPSS/KPU 1924/25. roku. Totu politiku zaprovadzuju nje ljem gu Rusinom na svojej teritoriji, alje gu sickim sirom šveta, ta i u Serbiji. Zoz totu politiku ukrajinski vlasci nje počituju stanoviska zapisani u Povelji Zjedinjenioh Nacijoh, Univerzalnej deklaraciji o ljudskih pravoh, Medzinarodnomu paktu o hraždanskih i političkih pravoh, Deklaraciji o pravoh pripadnjikoh nacionalnih, etnčkih, virskih i jazičnih menšinoh, Zakončujucim aktom KEBS u Helsinkiju, Konvenciji za zaščitu ljudskih pravoh i šljebodoh, Evropskej povelji o regionalnih i menšinskih jazikoh, Poveljoh UNESCO o njediskriminaciji u kulturi i prosviti, Okvirnej / ramikovej, osnovnej/ konvenciji o zaščiti nacionalnih menšinoh, itd., itd. Nje na vlascoh, nje na politiki, akademiji naukoh, bula bona i taka slavna jaka NANU odredzovac či dajaka nacionalna menšina postoji i jest, to na pripadnjikoh samih še jak takima ohlašic, a vlasci obovjazni toto jak realnosci pripoznac, i počitovac. Obovjazka pripoznac nje ovisi anji od čisla pripadnjikoh menšini, u Serbiji jest ljem 5000 pripadnjikoh ukrajinskej nacionalnosci, a voni pripznati i maju prava jak i 300.000 madjarskej nacionalnej menšini. Njet anji co čekac na "sljidujuce popisovanje žiteljoh", vlasci ih muša pripiznac jak takih, a na popisovanju še, panje Grihorij, uvidzi kelji ih jest. Dok toto ukrajinski vlasci nje zrobja, nje budze njič od pribljižovanja Evropskim institucijom. Co daljej še budu trimac tej politiki, problemi za njih budu vše vekši, bo Rusinoh tam zmiric nje hodno, prežiju voni i totu jak i poterašnju politiku rozličitih vlascoh i režimoh. Tam dze vlasci sami nje našli rišenje za svojo problemi, rišeli im ih hevti zvonka. A dzepojedni z vonka už i naznačeli svojo stari i novi i nteresi. Zakončim zoz tim že mi Rusini u Serbiji i ja osobnje bi še do toho nje mišali da nam ukrajinski vlasci totu politiku nje "vivezli" do našoho domu u namahanju primušic nas navolac še Ukrajincami i dac "priklad" tam hevtim, mame i svojo vlasni problemi, alje už ked tak - ostalo nam ljem povesc toto co i ja tu teraz znova povedol: Pravice sami sebe problemi, braca Ukrajinci, Rusini njigdze ta anji u Ukarajini nje separatisti, alje jak taki njepripoznati, pricisnuti prejhanjani hodni buc pohasnovani i jak separatisti. Jaka to vlasc, jaka to demokratija ked vi prehanjace tih co hvarja že su Rusini, a voni naspravdi nje Ukrajinci, njigda nje buli, anji nje budu, dakedi zme šicki slavjanski narodi buli jedno iste, ked zme i toto naspravdi, buli, a vec nam še dražki rozižli ta vi postali Ukrajinci, mi Rusini, Rosijanje, Bilorusi, Slovaci, Poljaci..
Mihal Hornjak
http://www.ua-reporter.com/content/100041

Русины не признают "демократичных выборов" в Закарпатье

25 сентября в Мукачево состоялся объедииненный (Всемирный и Европейский) Конгресс Подкарпатских Русинов

ПЕТР ГЕЦКО: У русинов есть цель, а у Украины - нет

САЙТ ПОДКАРПАТСКАЯ РУСЬ