Песня времен Августа
Noster calor -
Vitri squalor,
Fumus nobis
Lux,
Idus Nonaeque simul
Occident mox.
Igneus sol in favillas abit,
Irrepit umbra trux:
Supra urbem ardentem
Sternitur nox.
“Aliter!”
Postulat pulsus cordis,
“Aliter!”
Emicat in oculis,
Inter gemitus nostros erumpit ac risus inter
“Aliter!
Iam sit aliter!”
Licet oleum desit lucernis siccis,
Perstat flammae caerulus flos,
Quam sequemur per tenebras
Desertas.
Proinde arae fument,
Vina fluant,
Simplex servetur mos,
At nihil amplius est: tua tecum portas.
“Aliter!”
Postulat pulsus cordis,
“Aliter!”
Emicat in oculis,
Inter gemitus nostros erumpit ac risus inter
“Aliter!
Iam sit aliter!”
Non est nostrum decenter movere manus,
Parum iuvat austera quies:
Nihil opus est fuco, mentes dum sint concordes.
Donec arae fumant,
Vina fluunt,
Retia tendi vides:
En, subito stupes ignavus, timens vices.
“Aliter!”
Postulat pulsus cordis;
“Aliter!”
Emicat in oculis;
Inter gemitus nostros erumpit ac risus inter:
“Aliter!
Iam sit aliter!”
Назовете автора?