Election Bada ya IPL

[rex_the_newpoet]

Ek din maine dost se poocha,
Bata kaun hai wo jo is baar jeetega,
Sawaal poora hone se pehle,
dost bola CSK ka number lagega.
Maine bola haai ye tune ,
aisi kaisi baat hai kar di,
Sawaal to mera ye thaa ke bataao,
Is baar desh ki kaun sambhaalega Gaddee.
Ispar Dost bola mujhse,
Baithe hai iske liye hazaaron jane,
Vaise bhi desh ka kya bhala hai hona,
Chaahe koi bhi PM bane.
maine bola ye kya baat hui,
Vote kyu karte nahi tum,
Jab Election ka waqt hai aaya,
Ipl ki kyu fikar karte ho tum.

Dost bola IPL mei mazze hai itne,
Election se hai kya hona,
Phir koi aisi party aayegi,
jisse kisi ka kuch nahi hona.
maine bola arre mere dost ,
aaj desh ki ye haalat jo hui,
kaam hai tumhaare hi jaise logon ka,
sarkaar ki galti kya hai hui.
vote nahi dete jo tum,
har koi neta ban jaata hai,
bade bade sapne dikhaakar,
logon ko ullu wo banaa jaata hai.

jo tum vote doge dhyan se,
desh ka khoob sudhaar hoga,
kabhi to ek ache PM ki wajah se,
Desh humaara aabaad hoga.

IPL is saal nahi dekha toh,
agle saal tum phir dekh lena,
agar vote dena tum bhool gaye toh,
5 saal phir desh ki haalat dekh lena.
Yaad rakhna vote jo doge,
Desh humaara unnati karega,
Jab ek achaa PM chhunoge,
wo is mandi ko door karega.