Рэпарцёр
Рэпарцёр
Побач з домам - люк адкрыты.
За кустамі - кот зарыты.
А ў пясочніцы дзьве Іры
далі ў вока Славаміру.
Па дварах, нібы бараны,
ходзяць статкі хуліганаў.
За вітрынай крамы “Смак”
адпачыць прылёг прусак.
Два п’янтосы ў басаножках
ледзь трымаюцца на ножках.
Ля дзіцячага садка
задушылі чарвяка.
Вунь - імчаць цэментавозы
на будоўлю хмарачоса.
Там на плоце дзесяць слоў,
з іх палова - мацюкоў.
Плюс яшчэ будаўнікі
нам зламалі турнікі.
Заўтра будзе ўсё ў газеце
у раздзеле “Пішуць дзеці”.
