По случаю Дня славянской письменности

[piotr_sakharov]

«...тогда по случаю в разговоре воспомянуся слово о пяти перстном благословении его же неизобразующии римляне перстами литер I~С Х~С знаменующее Исус Христос в глаголемом Феогнастовом требнице проклинаются: пустынножители же хотяща и в сем показати неправедная их свидетельства, рекоша о сем ко иеромонаху не праведно видится о сем Римляне проклинаются, за еже сих литер не изобразуют перстами на благословение. Понеже Римляне по своему их языку и грамоте не такими литерами имя Исуса Христа пишут и хера литеры в Римстей грамоте несть. Тем же чего им по своему языку изобразити не возможно и чего в своей грамоте не имеют не прилично их за то проклинати. Иеромонах же о сем нача претися и глаголати, яко есть хер литера у Римлян и прилично они проклинаются, за неже его имеюще не изображают. Пустынножители же показующе известно яко несть хера литеры у Римлян и у прочих западных иноземцов изволь допросити у обретающихся зде иноземцов. Прилучижеся ту иноземец господин прикащик заводской и вопрошен бысть, прямо показа яко несть хера литеры в римской грамоте, и инако они имя Исуса Христа инеми литерами пишут, неже Россияне и Грецы: сия услышав умолче иеромонах о сем...»

История краткая об ответах сих, чесо ради и како ответы сии и разглагольство о сих, и когда, и где и с кем сия содеяшася.
© Из книги "Поморские ответы", 1722 (7230) год.