QotD: Почто ся соблазнисте?
Между собакой и волком, извините, Аутлуком и Экселем надо попить чаю со скоростными карбогидратами, размять конечности, а заодно запостить для всеобщего профита моё любимое место из "Хождения Богородицы по мукам". Намоленные тексты иногда очень мощные, даже если ты и атеист. Энджойте, чисто эстетически.
И видѣ на друзѣмъ мѣстѣ тму велику, и рече Святая Богородица: «Что сии есть тма сии, и кто суть пребывающи въ ней?» И рече архистратигъ: «Многи душа пребываютъ въ мѣстѣ семъ». И рече Святая Богородица: «Да отымется тма сии, да быхъ видѣла и ту муку». И отвѣщаша ангели, стрегущии муку: «Пореченно есть, да не видять свѣта, дондеже явится Сынъ твои благыи, паче 7 солнцъ свѣтлийши». - И прискорбна бысть Святая Богородица, и ко ангеломъ возведе очи свои, и возрѣвъ на невидимыи престолъ Отца Своего, и рече: «Во имя Отца и Сына и Святаго Духа, да отимется тма сии, и да быхъ видѣла сию муку». И отъятся тма си и 7 небесъ явися, и ту пребываше множство народу, мужъ и женъ, вопль многии бысть и гласъ велик исхожаше. И видѣвши я Пресвятая Богородица, и рече къ нимъ, плачющися со слезами: «Что сотворили есте, бѣдницы окаянии, недостойнии, како вы сѣмо приидосте?» И не бысть гласа отъ нихъ, ни отвѣта, и рекоша ангели стрегуще: «Почто не глаголите?» Рекоша мучащиися: «О Благодатная, отъ вѣка нѣсмь свѣта видѣли, да не можемъ зрѣти горѣ». И возрѣвши на ня Святая Богородица, и восплакася велми. И видѣвши ю мучащиися, и рекоша къ ней: «Како ны еси присѣтила, Святая Богородица, но Сынъ твой благодатныи на землю приходитъ, и не воспроси насъ, то ни Авраамъ прадѣдъ, ни Моисѣи пророкъ, ни Иоаннъ креститель, то ни апостолъ Павелъ, возлюбленникъ Божии, но ты, Пресвятая Богородице, заступнице, - ты еси роду христьянскому стѣна, ты молишь Бога, како еси насъ присѣтила бѣдныхъ?» Тогда рече Святая богородица ко архистратигу Михаилу: «Что есть согрѣшение техъ?» И рече Михаилъ: «Сии суть, иже не вѣроваша во Отца и Сына и Святаго Духа, то ни въ тя, Святая Богородица, не хотяща проповѣдати имени твоего, якоже родися отъ тебе нашъ Исус Христос, плоть приимъ, освяти землю крещениемъ, - да того дѣля въ томъ мѣстѣ мучатся». И паки прослезися Святая Богородица и рече къ нимъ: «Почто ся соблазнисте, не вѣсте ли вы, якожъ мое имя чте все создание?»
То рекше Святая Богородица, и паки тма нападе на нихъ.
Current music релевантно доставляет, спасибо дорогому blacklionу!