Лета, Крым, адпачынак. Частка 2. Мора
Чаго я чакаў ад мора, дык гэта высокіх і шумных хваляў. Такіх каб з грукатам і пенай. Але першыя дні ў Алупцы, дзе мы адпачывалі, пасялілі трывогу. Тут хвалі былі меншыя, чым на Азоўскім моры ў 2007 годзе. Праз колькі дзён мора ўсё ж сябе паказала, а пад канец адпачынку і ўвогуле разбушавалася. Нам яшчэ пашчасціла, што дождж падмачыў толкі адзін дзень. А аднойчы з мора прыйшоў белы густы туман, які ў лічаныя секунды зацягнуў бераг да самых гораў.
