“Газпром” рыхтуе заяву, якая будзе агучаная ў бліжэйшыя гадзіны
У расійскай кампаніі “Газпром” ужо на працягу некалькіх гадзінаў ідзе нарада.
Яна пачалася адразу пасля заявы Аляксандра Лукашэнкі пра тое, што бліжэйшымі днямі Расіі будзе выплачаная запазычанасць за газ - 460 млн долараў.
Аднак застаецца пытанне: ці паспее Беларусь заплаціць, бо заўтра раніцай мусіць пачацца абяцанае расійскім бокам скарачэнне паставак газа ў нашу краіну.
Чакаецца, што нарада ў “Газпроме” закончыцца каля 18 гадзінаў вечара. Цікава, што якраз у гэты час мусіць закончыцца і нарада, якая зараз праходзіць у Мінфіне Беларусі.