Величай, душе моя, вознесшагося от земли на небо Христа Жизнодавца
Тропарь празднику Вознесения Господня, глас 4:
Вознеслся еси во славе, Христе Боже наш, / радость сотворивый учеником / обетованием Святаго Духа, / извещенным им бывшим благословением,// яко Ты еси Сын Божий, Избавитель мира.
Кондак празднику Вознесения Господня, глас 6:
Еже о нас исполнив смотрение,/ и яже на земли соединив небесным,/ вознеслся еси во славе, Христе Боже наш,/ никакоже отлучаяся,/ но пребывая неотступный,// и вопия любящим Тя: Аз есмь с вами и никтоже на вы.
Величание празднику Вознесения Господня:
Величаем Тя, / Живодавче Христе, / и почитаем Еже на небеса, / с Пречистою Твоею плотию, // Божественное Вознесение.