Свидетели Истины,Отцы Преподобные, во тьме нам сияете,и тьма не объят вы,Светом Веры мир облистающих
7/20 ноября 1937 года ночью в одной тюрьме расстреляны Митрополит Петербургский Иосиф(Петровых) и Митрополит Казанский Кирилл(Смирнов)
Радуйтеся, страстотерпцы славнии, / стопам последующе древних мученик, / веры ради подвизастеся твердо / в лютая времена земли нашея, / и ныне всех подвизаете к славе и хвалению Бога, / укрепльшаго ваше немощное естество / и обогатившаго вас дарованьми Духа, / во спасение душ наших.
Церкве Русския столпи непоколебимии, / соборе новомучеников и исповедников Российских, /сердцем верующе в правду, / усты Господа Иисуса Христа исповедали есте во спасение, / и заточения, изгнания, горькия работы и смерть / Бога ради сладце претерпели есте. / Темже тепле молитеся ко Господу, / Русь Святую в Православии утвердити / и спасти души наша.
Click to viewТропарь Новомучеником, глас 4:
Днесь радостно ликует Церковь Русская, / прославляющи новомученики и исповедники своя: / святители и иереи, / Царственныя страстотерпцы, / благоверныя князи и княгини, / преподобныя мужи и жены / и вся православныя христианы, / во дни гонения безбожнаго / жизнь свою за веру во Христа положившия / и кровьми Истину соблюдшия. / Тех предстательством, Долготерпеливе Господи, / страну нашу в Православии сохрани / до скончания века.