Съ Рождествомъ Христовымъ и новымъ 2017 годомъ отъ РХ!
Тропарь праздника Рождества Христова
гласъ 4
Рождество Твое, Христе Боже нашъ, возсія мірови свѣтъ разума, въ немъ бо звѣздамъ служащіи звѣздою учахуся Тебѣ кланятися, Солнцу Правды, и Тебѣ вѣдети съ высоты Востока. Господи, слава Тебѣ!
Кондакъ праздника Рождества Христова
гласъ 3
Дѣва днесь Пресущественнаго раждаетъ, и земля вертепъ Неприступному приноситъ, Ангели съ пастырьми славословятъ, волсви же со звѣздою путешествуютъ, насъ бо ради родися Отроча Младо, Превѣчный Богъ.
Величаніе Рождества Христова
Величаемъ Тя, Живодавче Христе, насъ ради нынѣ плотію рождшагося отъ Безневѣстныя и Пречистыя Дѣвы Маріи.
Задостойникъ праздника Рождества Христова
гласъ 1
Величай, душе моя, Честнейшую и Славнейшую горнихъ воинствъ, Дѣву Пречистую, Богородицу. Любити убо намъ яко безбѣдное страхомъ удобее молчаніе, любовію же, Дѣво, пѣсни ткати, спротяженно сложенныя, неудобно есть, но и, Мати, силу, елико есть произволеніе, даждь.