Съ праздникомъ Рождества Пресвятой Богородицы!
Тропарь праздника Рождества Пресвятой Богородицы
гласъ 4
Рождество Твое, Богородице Дѣво, радость возвѣсти всѣй вселенней: изъ Тебѣ бо возсія Солнце Правды, Христосъ Богъ нашъ, и, разрушивъ клятву, даде благословеніе, и, упразднивъ смерть, дарова намъ животъ вѣчный.
Кондакъ праздника Рождества Пресвятой Богородицы
гласъ 4
Іоакимъ и Анна поношенія безчадства и Адамъ и Ева отъ тли смертныя свободистася, Пречистая, во святемъ рождествѣ Твоемъ. То празднуютъ и людіе Твои, вины прегрѣшеній избавльшеся, внегда звати Ти: неплоды раждаетъ Богородицу и Питательницу Жизни нашея.
Величаніе Богородицѣ
Величаемъ Тя, Пресвятая Дѣво, и чтимъ святыхъ Твоихъ родителей, и всеславное славимъ рождество Твое.
Задостойникъ праздника Рождества Пресвятой Богородицы
гласъ 8
Величай, душе моя, преславное рождество Божія Матере. Чужде матеремъ дѣвство, и странно дѣвамъ дѣторожденіе: на Тебѣ, Богородице, обоя устроишася. Темъ Тя, вся племена земная, непрестанно величаемъ.