Съ Праздникомъ Успенія Пресвятой Богородицы!
Тропарь праздника
гласъ 1
Въ рождествѣ дѣвство сохранила еси, во успеніи міра не оставила еси, Богородице, преставилася еси къ животу, Мати сущи Живота, и молитвами Твоими избавляеши отъ смерти души наша.
Кондакъ праздника
гласъ 2
Въ молитвахъ Неусыпающую Богородицу и въ предстательствахъ непреложное упованіе гробъ и умерщвленіе не удержаста: якоже бо Живота Матерь къ животу престави во утробу Вселивыйся приснодѣвственную.
Величаніе Богородицѣ
Величаемъ Тя, Пренепорочная Мати Христа Бога нашего, и всеславное славимъ успенѣе Твое.
Задостойникъ праздника
гласъ 1
Ангели, успеніе Пречистыя видѣвше, удивишася, како Дѣва восходитъ отъ земли на небо. Побѣждаются естества уставы въ Тебѣ, Дѣво Чистая, дѣвствуетъ бо рождество и животъ предобручаетъ смерть. По рождествѣ Дѣва и по смерти жива, спасаеши присно, Богородице, наслѣдіе Твое.