Съ праздникомъ введенія во храмъ Пресвятой Богородицы!
Тропарь праздника Введенія во храмъ Пресвятой Богородицы
гласъ 4-й
Днесь благоволенія Божія предображеніе и человѣковъ спасенія проповѣданіе, въ храмѣ Божіи ясно Дѣва является и Христа всѣмъ предвозвещаетъ. Той и мы велегласно возопиимъ: радуйся, смотрѣния Зиждителева исполненіе.
Кондакъ
гласъ 4-й
Пречистый храмъ Спасовъ, многоцѣнный чертогъ и Дѣва, священное сокровище славы Божія, днесь вводится въ домъ Господень, благодать совводящи, яже въ Дусѣ Божественномъ, Юже воспѣваютъ Ангели Божіи; Сія есть селеніе небесное.
Величаніе
Величаемъ Тя, Пресвятая Дѣво, Богоизбранная Отроковице, и чтимъ еже въ храмъ Господень вхожденіе Твое.
Задостойникъ
Ангели, вхожденіе Пречистыя зряще, удивишася: како Дѣва вниде во Святая Святыхъ. Яко одушевленному Божію кивоту, да никакоже коснется рука скверныхъ, устне же вѣрныхъ Богородице немолчно, гласъ Ангела воспѣвающе, съ радостію да вопіютъ: истинно вышши всѣхъ еси, Дѣво Чистая.