Съ праздникомъ Преображенія Господня!
Тропарь
гласъ 7
Преобразился еси на горѣ, Христе Боже, показавый ученикомъ Твоимъ славу Твою, якоже можаху, да возсіяетъ и намъ, грѣшнымъ, Свѣтъ Твой присносущный молитвами Богородицы, Свѣтодавче, слава Тебѣ.
Кондакъ
гласъ 7
На горѣ преобразился еси, и якоже вмѣщаху ученицы Твои, славу Твою, Христе Боже, видеша, да егда Тя узрятъ распинаема, страданіе убо уразумеютъ вольное, мірови же проповѣдятъ, яко Ты еси воистинну Отчее сіяніе.
Величаніе
Величаемъ Тя, Живодавче Христе, и почитаемъ пречистыя плоти Твоея преславное преображеніе.
Задостойникъ
гласъ 4
Величай, душе моя, на Ѳаворѣ преобразившагося Господа. Рождество Твое нетлѣнно явися: Богъ изъ боку Твоею пройде, яко Плотоносецъ явися на земли, и съ человѣки поживе. Тя, Богородице, тѣмъ вси величаемъ.