Съ праздникомъ Благовѣщенія Пресвятой Богородицы!
Тропарь праздника:
гласъ 4
Днесь спасенія нашего главизна и еже отъ вѣка таинства явленіе: Сынъ Божій Сынъ Дѣвы бываетъ, и Гавріилъ благодать благовѣствуетъ. Тѣмже и мы съ нимъ Богородицѣ возопіимъ: радуйся, Благодатная, Господь съ Тобою.
Кондакъ праздника:
гласъ 8
Взбранной Воеводѣ побѣдительная, яко избавльшеся отъ злыхъ, благодарственная восписуемъ Ти, раби Твои, Богородице, но, яко имущая державу непобѣдимую, отъ всякихъ насъ бѣдъ свободи, да зовемъ Ти: радуйся, Невѣсто Неневѣстная
Величаніе Богородицѣ:
Архангельскій гласъ вопіемъ Ти, Чистая: радуйся, Благодатная, Господь съ Тобою.
Задостойникъ праздника:
гласъ 4
Благовѣствуй, земле, радость велію, хвалите, небеса, Божію славу. Яко одушевленному Божію кивоту, да никакоже коснется рука скверныхъ, устнѣ же вѣрныхъ Богородицѣ немолчно, гласъ Ангела воспѣвающе, съ радостію да вопіютъ: радуйся, Благодатная, Господь съ Тобою.