Jul 25, 2016 16:30
"Разíй же нѣ́кто от старѣ́йшинъ Иерусали́мскихъ оклеветáнъ бы́сть никанóру, мýжъ люби́тель грáжданъ и зѣлó дóбрѣ словýщь и по благопрiя́тству отéцъ Иудéомъ именýемый:
бя́ше бо внесы́й въ прéжнихъ временѣ́хъ несмѣшéнiя сýдъ во Иудéйствѣ, и тѣ́ло и дýшу за Иудéйство предая́ше со вся́кимъ усéрдiемъ.
Хотя́щь же никанóръ я́вну сотвори́ти нéнависть, ю́же имѣ́ на иудéи, послá вóиновъ бóлѣе пяти́ сóтъ я́ти егó.
Мня́ше бо, я́ко óнаго поимáвъ, си́мъ содѣ́лаетъ бѣдý.
Мнóжеству же нарóда хотя́щу стóлпъ обдержáти и дворóвыя двéри разрушáющу, и повелѣ́вшу óгнь принести́ и двéри зажещи́, объя́тъ отвсю́ду бы́въ, мечéмъ порази́ся,
лýчше дóбльственно хотя́щь умрéти, нéжели беззакóнникомъ подрýчникъ бы́ти и своé благорóдство недостóйнѣ обезчéстити.
Скóрости же рáди пóдвига несмéртна я́зва бы́сть, и нарóдомъ внýтрь двéрiй врѣ́явшымся, востéкъ дéрзостно на стѣ́ну, свéрже сáмъ себé мýжественно на нарóды.
О́нымъ же скóро разбѣ́гшымся и бы́вшу разстоя́нiю, падé среди́ною чрéва посредѣ́ и́хъ:
ещé же ды́шущь и разжжéнъ душéю, востáвъ, крóви егó потóкомъ текýщей и тяжчáйшымъ рáнамъ сýщымъ, бѣжáщь сквозѣ́ нарóды прóйде,
и стáвъ на нѣ́коемъ кáмени стремни́ннѣмъ, весьмá ужé безъ крóви бы́въ, истóргнувъ внýтренняя [своя́] и взéмъ обѣ́ма рукáма вéрже на нарóды: и призвáвъ владѣ́ющаго животóмъ и дýхомъ, да сiя́ емý пáки воздáстъ, и си́мъ о́бразомъ живóтъ скончá." (2 Мак. 14, 37-46)
Загадки Вселенной,
Внезапно,
Секретные материалы,
Жития святых