Старт (Ворша) - Нафтан (Наваполацк). Анонс
СІТУАЦЫЯ НАПЯРЭДАДНІ
"Нафтан" толькі што вылез зь мінусаў, становішча каманды ўжо не выглядае безнадзейным. Па раскладках у навапалачанаў роўна такі вынік, як і ў нас - па чатыры перамогі, нічыі і паразы. Сярод колішніх гульцоў "Старта" ў Наваполацку цяпер гуляюць Аляксей Плясуноў і Аляксандар Кучараў. Прычым Кучараў сёлета зьяўляецца на полі выключна на замены. Абласное дэрбі, якое завяршае першае кола "каронавіруснага" чэмпіянату, дастаткова прынцыповае для нас, таму акрамя перамогі ў матчы мы нічога не павінны разглядаць. За апошнія гады ўвесь піетэт перад імем "Нафтан" павінен быў зьнікнуць, мае застацца толькі звычайная павага перад супернікам. Але сёння "Нафтан" гэта ня "Гомель" і нават не "Спадарожнік". Аб'ектыўна кажучы, гэта каманда аднаго з намі класу, не вышэй і не ніжэй. Дарэчы, "Нафтан" - першы супернік нашай каманды, якая тады называлася "Легмаш"-АІЗ у чэмпіянатах незалежнай Беларусі.
ІМГНЕНЬНЕ ГІСТОРЫІ
Роўна 50 гадоў таму, у сезоне 1970 года і аршанскі "Старт", і наваполацкая тады яшчэ "Дзьвіна" выступалі ў 2-й групе чэмпіянату БССР. На сваім полі аршанцы ўпэўнена перамаглі супернікаў 3:1, галы забілі Генадзь Апішаў, Генадзь Галубовіч і Леанід Барэйша.
ЯК БЫЛО?
Старт - Нафтан: 28 сустрэч, +7=4-17, 25-47
1967 Нафтавік - Старт - 3:1
1967 Старт - Нафтавік - 0:1
1970 Старт - Дзьвіна - 3:1
1970 Дзьвіна - Старт - 0:1
1974 Старт - Нафтавік - 2:0
1974 Нафтавік - Старт - 0:1
1984 Старт - Дзьвіна - 0:1
1984 Дзьвіна - Старт - 1:1
1985 Дзьвіна - Старт - 3:1
1985 Старт - Дзьвіна - 1:2
1986 Дзьвіна - Старт - 3:0
1986 Старт - Дзьвіна - 0:1
1987 Старт - Камунальнік - 1:3
1987 Камунальнік - Старт - 3:0
1991 Старт - Нафтан - 1:2
1991 Нафтан - Старт - 3:2
1992 (в) Нафтан - Старт - 1:0
1992/93 Старт - Нафтан - 0:0
1992/93 Нафтан - Старт - 0:0
1993/94 Нафтан - Старт - 5:0
1993/94 Старт - Нафтан - 2:1
1994/95 Нафтан-Дэвон - Старт - 3:0
1994/95 Старт - Нафтан-Дэвон - 1:4
1995 Дзьвіна-Белкон - Старт - 0:2
2018 Старт - Нафтан - 1:3
2018 Нафтан - Старт - 1:0
2019 Нафтан - Старт - 2:4
2019 Старт - Нафтан - 0:0
ШТО? ДЗЕ? КАЛІ?
Сустрэча адбудзецца 18-га ліпеня (субота) ў Воршы на Гарадзкім стадыёне. Пачатак а 17:00.