31 траўня прымаем "Гомель"
А 16-й гадзіне ў нядзелю, 31-га траўня аршанскі "Старт" сустрэнецца з "Гомелем". Падрабязны анонс прынцыповай для нас сустрэчы будзе апублікаваны ў 2-м нумары часопіса "Нагамяч", які будзе прэзентаваны сёньня пасьля абеду. Скарочаны - тут.
"Гомель" - надзвычай цяжкі супернік для нашага клуба. Зазвычай зялёна-белыя выступалі на адзін узровень вышэй за аршанцаў, раней іх каманда пад назвамі "Лакаматыў", "Гомсельмаш" выступала ў ІІ лізе саюзнага чэмпіянату, мы ж гулялі ў першынстве рэспублікі. У незалежныя часы клубы нарэшце пачалі перасякацца ў афіцыйных матчах, адбываецца гэта выключна ў І лізе, куды часам падае "Гомель". Посьпехаў у сіня-белых у барацьбе з дадзеным праціўнікам амаль няма. Толькі аднойчы, у 2016-м аршанцы здолелі адабраць у іх пункты.
Падрахунак супрацьстаяньня "Старт" (Ворша) - "Гомель":
6 сустрэч, +0 =1 -5, 4-18
1996 Гомель - Старт - 1:0
1996 Старт - Гомель - 0:3
1997 Старт - Гомель - 1:3
1997 Гомель - Старт - 7:0
2016 Гомель - Старт - 1:1
2016 Старт - Гомель - 2:3
ШТО? ДЗЕ? КАЛІ?
Матч адбудзецца ў Воршы на Гарадзкім стадыёне 31-га траўня (нядзеля). Пачатак а 16:00.