Ашмяны-БДУФК - Старт (Ворша). Анонс
СІТУАЦЫЯ НАПЯРЭДАДНІ
Ашмянцы горай за нас стартавалі ў сезоне, але апярэджваюць нас на 2 пункты дзякуючы пакараньню аршанцаў за ўдзел Аляксея Казлова ў дамоўных матчах. У складзе чырвона-сініх ёсьць гулец, які раней выступаў у Воршы - гэта паўабаронца Яўген Пракопчык.
ІМГНЕНЬНЕ ГІСТОРЫІ
З ашмянцамі ў сіня-белых зусім кароткая гісторыя супрацьстаяньня. За 69 сезонаў існаваньня "Старта" мы сустрэліся ўсяго двойчы. Гэта было ў 2016 годзе. Тады абодва матчы прынесьлі разгромны лік на нашу карысьць, а галоўным героем абедзьвюх "серый" стаў наш нападнік Аляксей Хадневіч, які адправіў у браму ашмянцаў 4 мячы.
Матч 18 чэрвеня 2016 года. У ім аршанцы перамаглі 4:1
ЯК БЫЛО?
Падрахунак супрацьстаяньня "Старт" (Ворша) - "Ашмяны-БДУФК":
2 сустрэчы, +2 =0 -0, 11-1
2016 Ашмяны - Старт - 1:4
2016 Старт - Ашмяны - 7:0
ШТО? ДЗЕ? КАЛІ?
Сустрэча адбудзецца ў Ашмянах на стадыёне фізкультурна-аздараўленчага комплексу (вул.Савецкая, 1). 10 траўня (нядзеля) а 15:00. Паколькі сітуацыя з COVID-19 у Беларусі толькі пагаршаецца, а ў Воршы і Ашмянах таксама рэгіструюцца выпадкі заражэньня, рэкамендуем аршанскім заўзятарам устрымацца ад паездкі і паглядзець матч празь інтэрнэт.