Старт Ворша - Лакаматыў Гомель. Анонс
Дата: 13.09.2019 (пятніца)
Месца: Ворша, стадыён "Гарадзкі"
Час: 17:30
Гульня з супернікам, сустрэчы з каторым сталі для нас ужо штогадовымі. Матч першага кола прынёс вялікае расчараваньне - амаль гатовая нічыя на 90+4 хвіліне была «заменена» паразай з-за прапушчанага голу. Перад 20-м турам «Старт» мае 22 пункты і займае 10-ты радок табліцы, у «Лакаматыва» 3-е месца, 35 пунктаў і 5-пунктавае адставаньне ад 2-й пазіцыі. Якраз у мінулым туры чыгуначнікі Гомля прагулялі канкурэнтам за выхад у Найвышэйшую лігу «Белшыне». Тыя, хто ўважліва сочыць за І лігай на працягу многіх гадоў, ужо падазрае - «Лакаматыў», мякка кажучы, не імкнецца да павышэньня ў класе. З пэўных крыніц чуваць, што гомельскі клуб асьцерагаецца выхаду ў эліту з фінансавых і арганізацыйных прычын. Тую ж школу футбольную трэба ўтрымліваць. Таму футбалісты да пары б’юцца за прэміяльныя, а затым збаўляюць тэмп. Аднак гэта справы гомельскія, а нам варта ўлічваць, што матч усё роўна ня будзе лёгкім. Аршанцам трэба паказаць максімум, каб набраць пункты ў супрацьстаяньні з салідным супернікам. Пабачым, да якіх высноваў прыйшоў галоўны трэнер каманды Сяргей Вехцеў, прагледзеўшы футбалістаў у двух таварыскіх матчах са «Смаленскам» і «Дняпром», у якіх сіня-белыя не забілі ніводнага мяча. Узровень гомельскага «Лакаматыва» яўна пераўзыходзіць смаленскі, ды і «Дняпро» ў цяперашнім стане наўрад ці болей класная каманда за іх.
Папярэднія матчы:
12.05.2019 Лакаматыў - Старт - 1:0
04.08.2018. Старт - Лакаматыў - 0:3
06.04.2018. Лакаматыў - Старт - 0:2
04.11.2017. Лакаматыў - Старт - 2:2
15.07.2017. Старт - Лакаматыў - 5:1
02.10.2016. Лакаматыў - Старт - 2:1
04.06.2016. Старт - Лакаматыў - 1:1
23.09.2015. Старт - Лакаматыў - 0:4
31.05.2015. Лакаматыў - Старт - 1:1
22.09.2013. Старт - Лакаматыў - 0:1
08.06.2013. Лакаматыў - Старт - 2:1
21.10.2012. Старт - Лакаматыў - 2:2
07.07.2012. Лакаматыў - Старт - 0:2
02.10.2011. Лакаматыў - Старт - 8:0
27.07.2011. Старт - Лакаматыў - 0:3
06.11.2010. Лакаматыў - Старт - 4:2
24.07.2010. Старт - Лакаматыў - 2:3
07.11.2009. Старт - Лакаматыў - 1:2
Баланс матчаў "Старт" - "Лакаматыў": 18 матчаў; +3=4-11, 22-40
