4 сакавіка ў менскім каталіцкім
Архікатэдральным саборы імя Найсвяцейшай Панны Марыі (а таксама ў фаніпальскай парафіі Найсвяцейшага Сэрца Езуса і Марыі) упершыню ў ХХІ стагоддзі адзначылі Дзень
святога Казіміра, вядомы ў народзе як
Казюкі - традыцыйны штогадовы кірмаш вырабаў народных промыслаў - свята, якое шырока адзначаецца ў Літве, а таксама ў Беларусі і ў польскіх местах, дзе аселі імігранты з літоўскіх і заходнебеларускіх земляў.
«04.03.12. Першыя Мінскія Казюкі»«04.03.12. У Мінску адзначылі Казюкі» Адбывалася ўсё ня ў дольным касцёле, як ад пачатку планавалася, а - па прапанове пробашча - непасрэдна ў нартэксе, перад галоўным уваходным парталам. Вялізарны хатні абраз св. Казіміра пэндзля мастака Ўладзімера Кандрусевіча :-) прадставіў для фестывалю пан Алесь Белы, а майстры з Івянеччыны прэзэнтавалі ся пад
гербам Івянецкага графства. Кірмаш скончыўся за тры гадзіны - раней, чымся меркавалася - было шмат людзей, і ўвесь тавар хутка разыйшоўся. З добрым пачаткам! Святы Казімеру, маліся за нас!