Павесяліцца!
Гэта вам не жарцікі, айда са мною!!! )))
...
пераадолеўшы каньяк і чакаляду
павольнасць ранкаў
непразрыстаць дзён
жаданне быць ні ў чым не вінаватаю
і комплекс нерашучасці ўздагон
планую знікнуць
у вясковай хаце
каб гадаваць бярозу дуб і клён
каб сцісла есці
доўга спаць
ня піць гарбаты
стаяць на мосціку
купацца ў дажджах
ня быць ні ў чым ніколі вінаватаю
каб не казаць
а толькі разважаць
я ўсталюю флюгер
і вятрак
уласнаручна выкапаю сажалку
змайструю плот
і што напэўна важна
энэргію скірую ў гарод
я стану загараць у траве на гола
не баючыся мух і камароў
лятаць на ровары па сцежках
і праз ровар
не вымаўляючы пры гэтым
дрэнных словаў
…збіраць лісіцы й белыя ў кошык
чытаць старыя кнігі пра каханне
карміць катоў і іхных блудных котак
ды нават кацянятаў абадраных
каб не пакрыўдзіць аніводную істоту
і рыбу вудзіць не збіраюся
ня буду
я супраць смерці мяса і пакутаў
патэльні
газавай пліты
вадаправоду нафты і даляраў
схаваных ненадзейна недзе ў куце
я буду з цэглы выляпляць звярушак
над вогнішчам даводзіць іх да сутнасці
я прафільтрую комплекс нерашучасці
праз комін і празз свежае паветра
і будзе доўгаю зіма
і цёплым лета
й жыццё будзе пражытым не дарма!!!
© Некурилла