Недeля 13 по Пятидесятнице. ОБЕДНИЦА (Изобразительные). Усекновение главы Иоанна Предтечи. Глас 4
11 сентября́ 2022 гóда. Недéля 13 по Пятидеся́тнице. Усекновéнiе главы́ Прорóка, Предтéчи и Крестúтеля Госпóдня Iоáнна. Глас 4. Воскрéсная прáздничная слýжба для домáшнего (келéйнаго) совершéнiя. Послéдованiе изобразúтельных. Слýжба мiрскúм чúном.
Прéжде глагóли часы. Аще имаши произволение то чти ýтреню с канóном и пéрвым чáсом, аще же ни, токмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцiи,/ я́ко тíи наслéдят зéмлю.
Чтец (стiхúры воскрéсные, глас 4): Дрéвом Адáм рая́ бысть изселéн;/ дрéвом же крéстным разбóйник в рай всели́ся./ Ов ýбо вкуш, зáповедь отвéрже Сотвóршаго;/ ов же сраспинáем, Бóга исповéда Тая́щагося,// помяни́ мя, вопiя́, во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Вознесы́йся на Крест, смéртную разруши́вый си́лу,/ и заглáдивый, я́ко Бог, éже на ны рукописáнiе, Гóсподи,/ разбóйниче покая́нiе и нам подáждь, Еди́не Человеколю́бче,/ вéрою служáщим, Хрiстé Бóже наш, и вопiю́щим Ти:// помяни́ и нас во Цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец: Рукописáнiе нáше на Крестé копiéм раздрáл еси́,/ и вмени́вся в мéртвых, тáмошняго мучи́теля связáл еси́,/ избáвивый всех от уз áдовых воскресéнiем Твои́м,/ и҆́мже просвети́хомся, Человеколю́бче Гóсподи, и вопiéм Ти:// помяни́ и нас во Цáрствiи Твоéм.
Хор: Блажéни чúстiи сéрдцем,/ я́ко тíи Бóга ýзрят.
Чтец: Распны́йся и воскресы́й я́ко Си́лен из грóба триднéвен,/ и первоздáннаго Адáма воскреси́вый, Еди́не Безсмéртне:/ и менé на покая́нiе обрати́тися, Гóсподи, сподóби от всегó сéрдца моегó,/ и тéплою вéрою при́сно взывáти Ти:// помяни́ мя, Спáсе, во Цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Нас рáди, И҆́же безстрáстен, стрáстный бысть человéк,/ и вóлею на Крестé пригвождéйся, нас совоскреси́,/ тéмже и слáвим со Крестóм страсть и воскресéнiе,/ и҆́миже возсоздáхомся, и҆́миже и спасáемся, взывáюще:// помяни́ и нас во Цáрствiи Твоéм.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Воскрéсшаго из мéртвых, и áдову держáву плени́вшаго,/ и ви́дима женáми миронóсицами, рáдуйтеся, глагóлющаго,/ вéрнiи умóлим, от истлéнiя избáвити дýши нáша,/ зовýще всегдá разбóйника благоразýмнаго глáсом к Немý:// помяни́ и нас во Цáрствiи Твоéм.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры Предтéчи, глас 8): Дрéвних я́ко ходáтай и нóвых, Предтéче, Евáнгельских проповéданiй/ ты, предстáв, смешéнiе беззакóнное мучи́тельское обличи́л еси́,// слáвную смерть, рáдуяся, прiя́л еси́.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: От мáтере беззакóнныя преднаученá отрокови́ца,/ объюродéвшу пiя́нством И҆́родови речé:/ даждь на блю́де главý Iоáннову,// мáтери да подáм дар возжелéнен.
Хор: Слáва Отцý и Сы́ну и Святóму Дýху.
Чтец, глас 4: Обличéнiя не терпя́ безстýдный мучи́тель/ богонóснаго твоегó язы́ка, слáвне Предтéче,// отрокови́це предаéт, жéнским плясáнiем, честнýю твою́ страдáльную главý, преслáвне.
Хор: И ны́не и прúсно и во вéки векóв. Амúнь.
Чтец (Богорóдичен): Всели́вся в Дéву телéсне, Гóсподи,/ яви́лся еси́ человéком, я́коже подобáше ви́дети Тя,/ Ю́же и показáл еси́ я́ко и҆́стинную Богорóдицу и вéрным пóмощь,// Еди́не Человеколю́бче.
Тропари и кондаки
Тропáрь воскрéсный, глас 4: Свéтлую Воскресéнiя прóповедь/ от Áнгела увéдевша Госпóдни учени́цы/ и прáдеднее осуждéнiе отвéргша,/ апóстолом хвáлящася глагóлаху:/ испровéржеся смерть,/ воскрéсе Хрїстóс Бог,// дáруяй мíрови вéлiю ми́лость.
Тропáрь Предтéчи, глас 2: Пáмять прáведнаго с похвалáми,/ тебé же довлéет свидéтельство Госпóдне, Предтéче:/ показáл бо ся есѝ вои́стинну и прорóков честнéйшiй,/ я́ко и в струя́х крести́ти сподóбился есѝ Проповéданнаго./ Тéмже за и҆́стину пострадáв, рáдуяся,/ благовести́л есѝ и сýщим во áде Бóга, я́вльшагося плóтiю,/ взéмлющаго грех мíра// и подаю́щаго нам вéлiю ми́лость.
Слáва Отцý и Сы́ну и Святóму Дýху.
Кондáк Предтéчи, глас 5: Предтéчево слáвное усекновéнiе/ смотрéнiе бысть нéкое Божéственное,/ да и сýщим во áде Спáсово проповéсть пришéствiе./ Да рыдáет ýбо Иродíя,/ беззакóнное убíйство испроси́вши:/ не закóн бо Бóжiй, ни живы́й век возлюбѝ,// но притвóрный, приврéменный.
И ны́не и прúсно и во вéки векóв. Амúнь.
Кондáк воскрéсный, глас 4: Спас и Избáвитель мой/ из грóба, я́ко Бог, воскресѝ от уз земнорóдныя,/ и вратá áдова сокрушѝ,/ и я́ко Влады́ка// воскрéсе триднéвен.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен воскресный, глас 4
Чтец: Прокíмен, глас четвéртый, псалóм Давíдов: Я́ко возвели́чишася делá Твоя́, Гóсподи, вся премýдростiю сотвори́л еси́. (Пс.103:24А)
Хор: Я́ко возвелúчишася делá Твоя, Гóсподи,/ вся премýдростiю сотворúл есú.
Чтец: Вси язы́цы восплещи́те рукáми, воскли́кните Бóгу глáсом рáдованiя. (Пс.103:1А-1Б)
Хор: Я́ко возвелúчишася делá Твоя, Гóсподи,/ вся премýдростiю сотворúл есú.
Прокимен Предтечи, глaс 7
Чтец: Прокíмен, глас седьмы́й, псалóм Давíдов: Возвесели́тся прáведник о Гóсподе и уповáет на Негó. (Пс.63:11)
Хор: Возвеселúтся прáведник о Гóсподе/ и уповáет на Негó.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(1Кор.зач.166): Брáтiе, бóдрствуйте, стóйте в вéре, мужáйтеся, утверждáйтеся. Вся вам любóвiю да бывáют. Молю́ же вы, брáтiе, вéсте дом Стефани́нов, я́ко есть начáток Ахáiи, и в служéнiе святы́м учини́ша себé, да и вы повинýйтеся таковы́м и вся́кому споспéшствующу и труждáющуся. Возрáдовахся же о пришéствiи Стефани́нове и Фуртунáтове и Ахáiкове, я́ко вáше лишéнiе сíи испóлниша. Покóиша бо мой дух и ваш. Познавáйте ýбо таковы́я. Целýют вы цéркви Асíйския. Целýют вы о Гóсподе мнóго Аки́ла и Прiскíлла с домáшнею их цéрковiю. Целýют вы брáтiя вся. Целýйте друг дрýга лобзáнiем святы́м. Целовáнiе моéю рукóю Пáвлею. Áще кто не лю́бит Гóспода Iисýса Хрїстá, да бýдет прóклят. Марáн афá. Благодáть Гóспода нáшего Iисýса Хрїстá с вáми, и любы́ моя́ со всéми вáми о Хрїстé Iисýсе. Ами́нь.
[русский синодальный перевод]Бодрствуйте, стойте в вере, будьте мужественны, тверды. Все у вас да будет с любовью. Прошу вас, братия (вы знаете семейство Стефаново, что оно есть начаток Ахаии и что они посвятили себя на служение святым), будьте и вы почтительны к таковым и ко всякому содействующему и трудящемуся. Я рад прибытию Стефана, Фортуната и Ахаика: они восполнили для меня отсутствие ваше, ибо они мой и ваш дух успокоили. Почитайте таковых. Приветствуют вас церкви Асийские; приветствуют вас усердно в Господе Акила и Прискилла с домашнею их церковью. Приветствуют вас все братия. Приветствуйте друг друга святым целованием. Мое, Павлово, приветствие собственноручно. Кто не любит Господа Иисуса Христа, анафема, мара́н-афа́*. (*Да будет отлучен до пришествия Господа). Благодать Господа нашего Иисуса Христа с вами, и любовь моя со всеми вами во Христе Иисусе. Аминь.
(Деян.зач.33): Во дни óны, я́коже скончавáше Iоáнн течéнiе, глагóлаше: когó мя непщýете бы́ти, несмь аз, но се грядéт по мне, Емýже несмь достóин разреши́ти ремéнь сапогý Егó. Мýжiе, брáтiе, сы́нове рóда Авраáмля, и и҆́же в вас, боя́щiися Бóга, вам слóво спасéнiя Сегó послáся: Живýщiи бо во Iерусали́ме и кня́зи их сегó не разумéвше, и глáсы прорóческiя, по вся суббóты чтóмыя, осуди́вше Егó, испóлниша. И ни еди́ныя вины́ смéртныя обрéтше, проси́ша у Пiлáта уби́ти Егó. Я́коже скончáша вся, я́же о Нем пи́сана, снéмше со Дрéва, положи́ша во грóбе. Бог же воскреси́ Его́ от мéртвых. И҆́же яви́ся на дни мнóги совозшéдшим с Ним от Галiлéи во Iерусали́м, и҆́же ны́не суть свидéтелiе Егó к лю́дем. И мы вам благовествýем обетовáнiе, бы́вшее ко отцéм, я́ко сié Бог испóлнил есть нам, чáдом их, воздви́г Iисýса.
[русский синодальный перевод]При окончании же поприща своего, Иоанн говорил: за кого почитаете вы меня? я не тот; но вот, идет за мною, у Которого я недостоин развязать обувь на ногах. Мужи братия, дети рода Авраамова, и боящиеся Бога между вами! вам послано слово спасения сего. Ибо жители Иерусалима и начальники их, не узнав Его и осудив, исполнили слова пророческие, читаемые каждую субботу, и, не найдя в Нем никакой вины, достойной смерти, просили Пилата убить Его. Когда же исполнили всё написанное о Нем, то, сняв с древа, положили Его во гроб. Но Бог воскресил Его из мертвых. Он в продолжение многих дней являлся тем, которые вышли с Ним из Галилеи в Иерусалим и которые ныне суть свидетели Его перед народом. И мы благовествуем вам, что обетование, данное отцам, Бог исполнил нам, детям их, воскресив Иисуса.(13:25-32)
Аллилуиарий воскресный, глас 4
Чтец: Аллилýіа, аллилýіа, аллилýіа, глас четвéртый.
Хор: Аллилýіа, аллилýіа, аллилýіа.
Чтец: Наляцы́, и успевáй, и цáрствуй и҆́стины рáди, и крóтости, и прáвды. (Пс.44:5Б)
Хор: Аллилýіа, аллилýіа, аллилýіа.
Чтец: Возлюби́л еси́ прáвду, и возненави́дел еси́ беззакóнiе. (Пс.44:8А)
Хор: Аллилýіа, аллилýіа, аллилýіа.
Аллилуарий Предтечи, глас 4
Чтец: Аллилýіа, аллилýіа, аллилýіа, глас тóйже. Прáведник, я́ко фíнiкс, процветéт, я́ко кедр, и҆́же в Ливáне, умно́жится. (Пс.91:13)
Хор: Аллилýіа, аллилýіа, аллилýіа.
Чтец: Насаждéни в домý Госпóдни во двóрех дóму Бóга нáшего процветýт. (Пс.91:14)
Хор: Аллилýіа, аллилýіа, аллилýіа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.87): Речé Госпóдь при́тчу сiю́: человéк нéкiй бе домови́т, и҆́же насади́ виногрáд, и оплóтом огради́ егó, и ископá в нем точи́ло, и создá столп, и вдаст и дéлателем, и оты́де. Егдá же прибли́жися врéмя плодóв, послá рабы́ своя́ к дéлателем прiя́ти плоды́ егó, и éмше дéлателе рабы́ егó, óваго ýбо би́ша, óваго же уби́ша, óваго же кáменiем поби́ша. Пáки послá и҆́ны рабы́ мнóжайшя пéрвых, и сотвори́ша им тáкоже. Последи́ же послá к ним сы́на своегó, глагóля: усрамя́тся сы́на моегó. Дéлателе же ви́девше сы́на, рéша в себé: сей есть наслéдник, прiиди́те, убiéм егó и удержи́м достоя́нiе егó. И éмше егó изведóша вон из виногрáда и уби́ша. Егдá ýбо прiи́дет господи́н виногрáда, что сотвори́т дéлателем тем? Глагóлаша Емý: злых зле погуби́т их, и виногрáд предáст ины́м дéлателем, и҆́же воздадя́т емý плоды́ во временá своя́. Глагóла им Iисýс: нéсте ли чли николи́же в Писáнiих, кáмень, егóже не в рядý сотвори́ша зи́ждущии, сей бысть во главý ýгла? От Гóспода бысть сié, и есть ди́вно во óчiю вáшею.
[русский синодальный перевод]Выслушайте другую притчу: был некоторый хозяин дома, который насадил виноградник, обнес его оградою, выкопал в нем точило, построил башню и, отдав его виноградарям, отлучился. Когда же приблизилось время плодов, он послал своих слуг к виноградарям взять свои плоды; виноградари, схватив слуг его, иного прибили, иного убили, а иного побили камнями. Опять послал он других слуг, больше прежнего; и с ними поступили так же. Наконец, послал он к ним своего сына, говоря: постыдятся сына моего. Но виноградари, увидев сына, сказали друг другу: это наследник; пойдем, убьем его и завладеем наследством его. И, схватив его, вывели вон из виноградника и убили. Итак, когда придет хозяин виноградника, что сделает он с этими виноградарями? Говорят Ему: злодеев сих предаст злой смерти, а виноградник отдаст другим виноградарям, которые будут отдавать ему плоды во времена свои. Иисус говорит им: неужели вы никогда не читали в Писании: камень, который отвергли строители, тот самый сделался главою угла? Это от Господа, и есть дивно в очах наших?(21:33-42)
(Мк.зач.24): Во врéмя óно, слы́ша И҆́род царь слух Iисýсов [я́ве бо бысть и҆́мя егó,] и глагóлаше, я́ко Iоáнн Крестя́й от мéртвых востá, и сегó рáди си́лы дéются о нем. Инíи глагóлаху, я́ко Iлíя есть, инíи же глагóлаху, я́ко прорóк есть, или́ я́ко еди́н от прорóк. Слы́шав же И҆́род речé, я́ко, егóже аз усéкнух Iоáнна, той есть: той востá от мéртвых. Той бо И҆́род послáв, ят Iоáнна и связá егó в темни́це, Иродiáды рáди, жены́ Фiлíппа, брáта своегó, я́ко ожени́ся éю. Глагóлаше бо Iоáнн И҆́родови: не достóит тебé имéти женý (Фiлíппа), брáта твоегó. Иродíя же гнéвашеся на негó и хотя́ше егó уби́ти, и не можáше. И҆́род бо боя́шеся Iоáнна, вéдый егó мýжа прáведна и свя́та, и соблюдáше егó, и послýшав егó, мнóга творя́ше, и в слáдость егó послýшаше. И приклю́чшуся дни потрéбну, егдá И҆́род рождествý своемý вéчерю творя́ше, князéм свои́м, ты́сящником, и старéйшинам галiлéйским. И вшéдши дщерь тоя́ Иродiáды, и плясáвши, и угóждши И҆́родови и возлежáщым с ним. Речé царь деви́це: проси́ у менé, éже áще хóщеши, и дам ти. И кля́тся ей: я́ко áще попрóсиши у менé, дам ти, и до полцáрствiя моегó. Онá же изшéдши речé мáтери своéй: чесó прошý? Онá же речé: главý Iоáнна Крести́теля. И вшéдши áбiе со тщáнiем к царю́, проси́, глагóлющи: хощý, да ми дáси от негó на блю́де главý Iоáнна Крести́теля. И прискóрбен быв царь, кля́твы же рáди, и за возлежáщих с ним, не восхотé отрещи́ся ея́. И áбiе послáв царь спекулáтора, повелé принести́ главý егó. Он же шед усéкну егó в темни́це. И принесé главý егó на блю́де, и дадé ю деви́це: и деви́ца дадé ю мáтери своéй. И слы́шавше ученицы́ егó, прiидóша и взя́ша труп егó, и положи́ша егó во грóбе. И собрáшася апóстоли ко Iисýсу, и возвести́ша Емý вся, и ели́ка сотвори́ша, и научи́ша.
[русский синодальный перевод]Царь Ирод, услышав об Иисусе (ибо имя Его стало гласно), говорил: это Иоанн Креститель воскрес из мертвых, и потому чудеса делаются им. Другие говорили: это Илия, а иные говорили: это пророк, или как один из пророков. Ирод же, услышав, сказал: это Иоанн, которого я обезглавил; он воскрес из мертвых. Ибо сей Ирод, послав, взял Иоанна и заключил его в темницу за Иродиаду, жену Филиппа, брата своего, потому что женился на ней. Ибо Иоанн говорил Ироду: не должно тебе иметь жену брата твоего. Иродиада же, злобясь на него, желала убить его; но не могла. Ибо Ирод боялся Иоанна, зная, что он муж праведный и святой, и берёг его; многое делал, слушаясь его, и с удовольствием слушал его. Настал удобный день, когда Ирод, по случаю дня рождения своего, делал пир вельможам своим, тысяченачальникам и старейшинам Галилейским, - дочь Иродиады вошла, плясала и угодила Ироду и возлежавшим с ним; царь сказал девице: проси у меня, чего хочешь, и дам тебе; и клялся ей: чего ни попросишь у меня, дам тебе, даже до половины моего царства. Она вышла и спросила у матери своей: чего просить? Та отвечала: головы Иоанна Крестителя. И она тотчас пошла с поспешностью к царю и просила, говоря: хочу, чтобы ты дал мне теперь же на блюде голову Иоанна Крестителя. Царь опечалился, но ради клятвы и возлежавших с ним не захотел отказать ей. И тотчас, послав оруженосца, царь повелел принести голову его. Он пошел, отсек ему голову в темнице, и принес голову его на блюде, и отдал ее девице, а девица отдала ее матери своей. Ученики его, услышав, пришли и взяли тело его, и положили его во гробе. И собрались Апостолы к Иисусу и рассказали Ему всё, и что сделали, и чему научили.(Мк.6:14-30)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 4: Спас и Избáвитель мой/ из грóба, я́ко Бог, воскресѝ от уз земнорóдныя,/ и вратá áдова сокрушѝ,/ и я́ко Влады́ка// воскрéсе триднéвен.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволѝ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и҆ вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую,// сýщую Богорóдицу Тя величáем.
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
Воскресы́й из мéртвых, Хрїстóс, и҆́стинный Бог наш, моли́твами Пречи́стыя Своея́ Мáтере, святáго прорóка, Предтéчи и Крести́теля Госпóдня Iоáнна, святы́х слáвных и всехвáльных Апóстол, святы́х и прáведных богоотéц Iоаки́ма и Áнны, и всех святы́х, поми́луй и спасѝ нас, яко Благ и Человеколю́бец. Ами́нь.