Неделя 6 по Пятидесятнице. ОБЕДНИЦА(Изобразительные) Вмц. Евфимии всехвальной. Равноап. Ольги глас 5
24 ию́ля 2022 гóда. Недéля 6 по Пятидеся́тнице, Вмц. Евфúмiи всехвáльной. Равноап. Ѻ́льги, вел. княгúни Россíйской, во Святóм Крещéнiи Елéны. Глас 5.Слýжба прáздника для домáшнего (келéйнаго) совершéнiя. Послéдованiе изобразúтельных. Слýжба мiрскúм чúном.
Прежде глаголи часы. Аще имаши произволение то чти ýтреню с канóном и пéрвым чáсом, аще же ни, токмо часы.
ЧИН ОБЕДНИЦЫ
Глагóли сúце: Благословѝ, душé моя, Гóспода,/ благословéн есѝ Гóсподи.
Псалом 102
Благословѝ, душé моя, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцiи,/ я́ко тíи наслéдят зéмлю.
Чтец (стiхúры воскрéсные, глас 5): Разбóйник на крестé Бóга Тя бы́ти вéровав, Хрiстé,/ исповéда Тя чи́сте от сéрдца,// помяни́ мя, Гóсподи, вопiя́, во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: И҆́же на Дрéве Крéстнем/ жизнь процвéтшаго рóду нáшему,/ и изсуши́вша ю́же от дрéва кля́тву,// я́ко Спáса и Содéтеля соглáсно воспои́м.
На 8. Хор: Блажéни мúлостивiи,/ я́ко тíи помúловани бýдут.
Чтец: Смéртiю Твоéю, Хрiстé, смéртную разруши́л еси́ си́лу, и совоздви́гл еси́ и҆́же от вéка умéршыя, Тя́ пою́щыя и҆́стиннаго Бóга и Спáса нáшего.
Хор: Блажéни чúстiи сéрдцем,/ я́ко тíи Бóга ýзрят.
Чтец: На грóб Твóй, Хрiстé, пришéдшя жены́ честны́я, искáху Тя́, Жизнодáвче, миропомáзати, и яви́ся им áнгел вопiя́: воскрéсе Госпóдь.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Распéншу Ти ся, Хрiстé, посредé двою́ осуждéнною разбóйнику,/ еди́н ýбо хýля Тя, осуждéн бысть прáведне:// другíй же исповéдая Тя, в рай всели́ся.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Ко апóстолов ли́ку пришéдша жены́ честны́я,/ возопи́ша: Хрiстóс воскрéсе,// я́ко Влады́це и Содéтелю Томý поклони́мся.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры Вмц. Еvфúмiи, глас 8): Ря́снами я́ко златы́ми, тя, страдáльческими бiéнiи одéянну, дéво,/ пребогáтое Слóво ви́дев,// в Небéсная жили́ща Безплóтных чинóв, рáдоватися приведé.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Во благовóнiе, мýченице, ми́ра, от Чи́стыя Возсiя́вшаго, потеклá еси́ усéрдно,/ ми́ро Божéственных исцелéнiй ми́ру источи́ла еси́.// Тéмже вопiю́: смрáдныя стрáсти сéрдца моегó ны́не отжени́.
Хор: Слáва Ѻтцý и Сы́ну и Святóму Дýху.
Чтец: Дýшу мою́ недýгующую тлетвóрными страстьми́,/ и к стремни́нам прéлести попóлзшуюся, мýченице прехвáльная,// осенéнiи Божéственными исцели́, и утверди́ не побеждáтися.
Хор: И ны́не и прúсно и во вéки векóв. Амúнь.
Чтец (Богорóдичен): Призрé на Тя Госпóдь, моé обновля́я существó, я́ко Си́лен,/ вели́чiя сотвóрь, Богороди́тельнице, я́коже реклá еси́, Всенепорóчная,// и спасé мя Тобóю из тли Бог мой, я́ко Милосéрд.
Тропари и кондаки
Тропáрь воскрéсный, глас 5: Собезначáльное Слóво Отцý и Дýхови,/ от Дéвы рóждшееся на Спасéнiе нáше,/ воспои́м, вéрнiи, и поклони́мся;/ я́ко благоволи́ Плóтiю взы́ти на Крест,/ и смерть претерпéти,/ и воскреси́ти умéршiя// слáвным воскресéнiем Свои́м.
Тропáрь Вмц. Еvфúмiи, глас 4: Áгница Твоя́, Iисýсе, Еvфи́мiя/ зовéт вéлiим глáсом:/ Тебé, Женишé мой, люблю́,/ и Тебé и҆́щущи страдáльчествую,/ и҆ сраспинáюся, и҆ спогребáюся крещéнiю Твоемý,/ и҆ страждý Тебé рáди,/ я́ко да цáрствую в Тебé,/ и҆ умирáю за Тя, да и҆ живý с Тобóю,/ но, я́ко жéртву непорóчную, прiими́ мя, с любóвiю пожéршуюся Тебé./ Тоя́ моли́твами,// я́ко Ми́лостив, спаси́ дýши нáша.
Тропáрь Равноап. Ѻ́льги, глас 1: Крилáми богоразýмiя впери́вши твой ум,/ возлетéла еси́ превы́ше ви́димыя твáри,/ взыскáвши Бóга и Творцá вся́ческих,/ и, Тогó обрéтши, пáки рождéнiе Крещéнiем прiя́ла еси́,/ дрéва живóтнаго наслаждáющися, нетлéнна во вéки пребывáеши,// Ѻ́льго приснослáвная.
Кондáк Вмц. Еvфúмiи, глас 6: Пóдвиги во страдáльчестве, пóдвиги в вéре/ положи́ла еси́ тéпле за Хрiстá, Женихá твоегó./ Но и ны́не я́коже éреси и врагóв шатáнiе/ под нóги вóинству нáшему покори́ти моли́ Богорóдицею,/ я́же от шестисóт три́десяти Богонóсных отéц/ предéл прiéмшая// и храня́щая, всехвáльная.
Слáва Ѻтцý и Сы́ну и Святóму Дýху.
Кондáк Равноап. Ѻ́льги, глас 4: Воспоéм днесь благодéтеля всех Бóга,/ прослáвльшаго в Россíи Ѻ́льгу Богомýдрую,/ да моли́твами ея́/ подáст душáм нáшим// грехóв оставлéнiе.
И ны́не и прúсно и во вéки векóв. Амúнь.
Кондáк воскрéсный, глас 5: Ко áду, Спáсе мой, сошéл еси́,/ и вратá сокруши́вый я́ко всеси́лен,/ умéрших, я́ко Создáтель, совоскреси́л еси́,/ и смéрти жáло сокруши́л еси́,/ и Адáм от кля́твы избáвлен бысть, Человеколю́бче;/ тéмже вси зовéм:// спаси́ нас, Гóсподи.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Ѻтцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен воскресный, глас 5
Чтец: Прокíмен, глас пя́тый, псалóм Дави́дов. Ты, Гóсподи, сохрани́ши ны, и соблюдéши ны от рóда сегó и во век.
Хор: Ты, Гóсподи, сохранúши ны, и соблюдéши ны/ от рóда сегó и во век.
Чтец: Спаси́ мя, Гóсподи, я́ко оскудé преподóбный.
Хор: Ты, Гóсподи, сохранúши ны, и соблюдéши ны/ от рóда сегó и во век.
Прокимен Мученицам, глас 4
Чтец: Прокíмен, глас четвéртый. Ди́вен Бог во святы́х Свои́х,/ Бог Iзрáилев. (Пс.67:36А)
Хор: Дúвен Бог во святы́х Своúх,/ Бог Iзрáилев.
АПОСТОЛ
Чтец: К Ри́мляном послáнiя святáго апóстола Пáвла чтéнiе.
(Рим.зач.110): Брáтiе, имýще даровáнiя по благодáти дáнней нам разли́чна, áще прорóчество, по мéре вéры, áще ли служéнiе, в служéнiи, áще учя́й, во учéнiи, áще утешáяй, во утешéнiи, подавáяй, в простотé, предстоя́й, со тщáнiем, ми́луяй, с дóбрым изволéнiем. Любы́ нелицемéрна, ненави́дящи злóе, прилепля́ющися благóму. Братолю́бiем друг ко дрýгу любéзни, чéстiю друг дрýга бóльша творя́ще. Тщáнiем не лени́ви, дýхом горя́ще, Гóсподеви рабóтающе. Уповáнiем рáдующеся, скóрби терпя́ще, в моли́тве пребывáюще. Трéбованiем святы́х приобщáющеся, страннолю́бiя держáщеся. Благословля́йте гоня́щыя вы, благослови́те, а не клени́те.
[Русский синодальный перевод]И как, по данной нам благодати, имеем различные дарования, то, имеешь ли пророчество, пророчествуй по мере веры; имеешь ли служение, пребывай в служении; учитель ли, - в учении; увещатель ли, увещевай; раздаватель ли, раздавай в простоте; начальник ли, начальствуй с усердием; благотворитель ли, благотвори с радушием. Любовь да будет непритворна; отвращайтесь зла, прилепляйтесь к добру; будьте братолюбивы друг к другу с нежностью; в почтительности друг друга предупреждайте; в усердии не ослабевайте; духом пламенейте; Господу служите; утешайтесь надеждою; в скорби будьте терпеливы, в молитве постоянны; в нуждах святых принимайте участие; ревнуйте о странноприимстве. Благословляйте гонителей ваших; благословляйте, а не проклинайте.(12:6-14)
(2Кор.зач.181): Брáтiе, поспéшствующе мóлим, не вотщé благодáть Бóжiю прiя́ти вам. Глагóлет бо: во врéмя прiя́тно послýшах тебé, и в день спасéнiя помогóх ти. Се ны́не врéмя благопрiя́тно, се ны́не день спасéнiя. Ни еди́но ни в чéмже даю́ще претыкáнiе, да служéнiе безпорóчно бýдет, но во всем представля́юще себé я́коже Бóжiя слуги́, в терпéнiи мнóзе, в скóрбех, в бедáх, в теснотáх, в рáнах, в темни́цах, в нестроéнiих, в трудéх, во бдéнiих, в пощéнiих, во очищéнiи, в рáзуме, в долготерпéнiи, в блáгости, в Дýсе Свя́те, в любви́ нелицемéрне, в словеси́ и҆́стины, в си́ле Бóжiей, орýжiи прáвды десны́ми и шýими, слáвою и безчéстiем, гаждéнiем и благохвалéнiем, я́ко лестцы́, и и҆́стинни, я́ко незнáеми, и познавáеми, я́ко умирáюще, и се жи́ви есмы́, я́ко наказýеми, а не умерщвля́еми, я́ко скорбя́ще, при́сно же рáдующеся, я́ко ни́щи, а мнóгих богатя́ще, я́ко ничтóже имýще, а вся содержáще.
[Русский синодальный перевод]Мы же, как споспешники, умоляем вас, чтобы благодать Божия не тщетно была принята вами. Ибо сказано: во время благоприятное Я услышал тебя и в день спасения помог тебе. Вот, теперь время благоприятное, вот, теперь день спасения. Мы никому ни в чем не полагаем претыкания, чтобы не было порицаемо служение, но во всем являем себя, как служители Божии, в великом терпении, в бедствиях, в нуждах, в тесных обстоятельствах, под ударами, в темницах, в изгнаниях, в трудах, в бдениях, в постах, в чистоте, в благоразумии, в великодушии, в благости, в Духе Святом, в нелицемерной любви, в слове истины, в силе Божией, с оружием правды в правой и левой руке, в чести и бесчестии, при порицаниях и похвалах: нас почитают обманщиками, но мы верны; мы неизвестны, но нас узнают; нас почитают умершими, но вот, мы живы; нас наказывают, но мы не умираем; нас огорчают, а мы всегда радуемся; мы нищи, но многих обогащаем; мы ничего не имеем, но всем обладаем.
Аллилуиарий воскресный, глас 5
Чтец: Аллилýіа, аллилýіа, аллилýіа, Глас пя́тый.
Чтец: Ми́лости Твоя́, Гóсподи, во век воспою́, в род и род возвещý и҆́стину Твою́ усты́ мои́ми. (Пс.88:2)
Хор: Аллилýіа, аллилýіа, аллилýіа.
Чтец: Занé рекл еси́: во век ми́лость сози́ждется, на небесéх уготóвится и҆́стина Твоя́. (Пс.88:3)
Хор: Аллилýіа, аллилýіа, аллилýіа.
Аллилуиарий Мученицам, глас 1
Чтец: Глас первый. Терпя́ потерпéх Гóспода, и внят ми, и услы́ша моли́тву мою́. (Пс.39:2)
Хор: Аллилýіа, аллилýіа, аллилýіа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.29): Во врéмя óно, влез Iисýс в корáбль, прéйде и прiи́де во Свой град. И се принесóша Емý разслáблена жи́лами, на одрé лежáща, и ви́дев Iисýс вéру их, речé разслáбленному: дерзáй, чáдо, отпущáются ти греси́ твои́. И се нéцыи от кни́жник рéша в себé: Сей хýлит. И ви́дев Iисýс помышлéнiя их, речé: вскýю вы мы́слите лукáвая в сердцáх свои́х? Что бо есть удóбее рещи́: отпущáются ти греси́, или́ рещи́: востáни и ходи́? Но да увéсте, я́ко власть и҆́мать Сын Человéческiй на земли́ отпущáти грехи́, тогдá глагóла разслáбленному: востáни, возми́ твой одр и иди́ в дом твой. И востáв, взем одр свой, и҆́де в дом свой. Ви́девше же нарóди чуди́шася и прослáвиша Бóга, дáвшаго власть таковýю человéком.
[Русский синодальный перевод]Тогда Он, войдя в лодку, переправился обратно и прибыл в Свой город.И вот, принесли к Нему расслабленного, положенного на постели. И, видя Иисус веру их, сказал расслабленному: дерзай, чадо! прощаются тебе грехи твои. При сем некоторые из книжников сказали сами в себе: Он богохульствует. Иисус же, видя помышления их, сказал: для чего вы мыслите х удое в сердцах ваших? ибо что легче сказать: прощаются тебе грехи, или сказать: встань и ходи? Но чтобы вы знали, что Сын Человеческий имеет власть на земле прощать грехи, - тогда говорит расслабленному: встань, возьми постель твою, и иди в дом твой. И он встал, взял постель свою и пошел в дом свой. Народ же, видев это, удивился и прославил Бога, давшего такую власть человекам.(9:1-8).
(Лк.зач.33): Во врéмя óно, моля́ше Iисýcа нéкiй от фарiсéй, да бы ял с ним: и вшед в дом фарiсéов, возлежé. И се женá во грáде, я́же бе грéшница, и увéдевши, я́ко возлежи́т во хрáмине фарiсéове, принéсши алавáстр ми́ра. И стáвши при ногý Eгó созади́, плáчущися, начáт умывáти нóзе Eгó слезáми, и власы́ главы́ своея́ отирáше, и облобызáше нóзе Eгó, и мáзаше ми́ром. Ви́дев же фарiсéй возвáвый Eгó, речé в себé, глагóля: Сей áще бы был прорóк, вéдел бы кто и каковá женá прикасáется Eмý, я́ко грéшница eсть. И отвещáв Iисýс речé к немý: Сíмоне, и҆́мам ти нéчто рещи́. Oн же речé: Учи́телю, рцы. Iисýс же речé: два должникá бéста заимодáвцу нéкоему, eди́н бе дóлжен пятiю́сот динáрiй, другíй же пятiю́десят. Не имýщема же и҆́ма воздáти, oбéма отдá. Котóрый ýбо eю́, рцы, пáче возлю́бит eгó? Отвещáв же Сíмон речé: мню, я́ко eмýже вя́щше отдá. Oн же речé eмý: прáво суди́л eси́. И обрáщься к женé, Сíмонови речé: ви́диши ли сiю́ женý? Внидóх в дом твой, воды́ на нóзе Мои́ не дадé, сiя́ же слезáми облiя́ Ми нóзе, и власы́ главы́ своея́ отрé. Лобзáнiя Ми не дадé, сiя́ же, отнéлиже внидóх, не престá облобызáющи Ми нóзе. Мáслом главы́ Моея́ не помáза: сiя́ же ми́ром помáза Ми нóзе. Егóже рáди, глагóлю ти: отпущáются греси́ eя́ мнóзи, я́ко возлюби́ мнóго, а eмýже мáло оставля́ется, мéньше лю́бит. Речé же eй: отпущáются тебé греси́. И начáша возлежáщiи с Ним глагóлати в себé: кто Сей eсть, и҆́же и грехи́ отпущáет? Речé же к женé: вéра твоя́ спасé тя, иди́ в ми́ре.
[Русский синодальный перевод](Во время оно, некто из фарисеев просил Его вкусить с ним пищи; и Он, войдя в дом фарисея, возлег. И вот, женщина того города, которая была грешница, узнав, что Он возлежит в доме фарисея, принесла алавастровый сосуд с миром и, став позади у ног Его и плача, начала обливать ноги Его слезами и отирать волосами головы своей, и целовала ноги Его, и мазала миром. Видя это, фарисей, пригласивший Его, сказал сам в себе: если бы Он был пророк, то знал бы, кто и какая женщина прикасается к Нему, ибо она грешница. Обратившись к нему, Иисус сказал: Симон! Я имею нечто сказать тебе. Он говорит: скажи, Учитель. Иисус сказал: у одного заимодавца было два должника: один должен был пятьсот динариев, а другой пятьдесят, но как они не имели чем заплатить, он простил обоим. Скажи же, который из них более возлюбит его? Симон отвечал: думаю, тот, которому более простил. Он сказал ему: правильно ты рассудил. И, обратившись к женщине, сказал Симону: видишь ли ты эту женщину? Я пришел в дом твой, и ты воды Мне на ноги не дал, а она слезами облила Мне ноги и волосами головы своей отёрла; ты целования Мне не дал, а она, с тех пор как Я пришел, не перестает целовать у Меня ноги; ты головы Мне маслом не помазал, а она миром помазала Мне ноги. А потому сказываю тебе: прощаются грехи её многие за то, что она возлюбила много, а кому мало прощается, тот мало любит. Ей же сказал: прощаются тебе грехи. И возлежавшие с Ним начали говорить про себя: кто это, что и грехи прощает? Он же сказал женщине: вера твоя спасла тебя, иди с миром. (7:36-50)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 5: Ко áду, Спáсе мой, сошéл еси́,/ и вратá сокруши́вый я́ко всеси́лен,/ умéрших, я́ко Создáтель, совоскреси́л еси́,/ и смéрти жáло сокруши́л еси́,/ и Адáм от кля́твы избáвлен бысть, Человеколю́бче;/ тéмже вси зовéм:// спаси́ нас, Гóсподи.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и҆ вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆́,/ и от всех скорбéй егó спасé и҆́./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, иже уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆́./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
Хрїстóс, и҆́стинный Бог наш, моли́твами Пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоаки́ма и Áнны, и всех святы́х, поми́луй и спасѝ нас, яко Благ и Человеколю́бец. Ами́нь.