ОБЕДНИЦА (Изобразительные) Святых славных и всехвальных первоверховных апостолов ПЕТРА И ПАВЛА.
12 ию́ля 2022 гóда. Святы́х слáвных и всехвáльных первоверхóвных апóстолов Петрá и Пáвла. Слýжба прáздника для домáшнего (келéйнаго) совершéнiя. Послéдованiе изобразúтельных. Слýжба мiрскúм чúном.
Прéжде глагóли часы.
Часы и обéдницу скачáть в формáте doc, в формáте pdf
ЧИН ОБЕДНИЦЫ
Глагóли сúце: Благословѝ, душé моя, Гóспода,/ благословéн есѝ Гóсподи.
Псалом 102
Благословѝ, душé моя, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцiи,/ я́ко тíи наслéдят зéмлю.
Хор: Блажéни áлчущiи и жáждущiи прáвды,/ я́ко тíи насы́тятся.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры апóстола Пéтра, глас 4): Не мýдростiю, и си́лою, и богáтством хвáлимся, / но Тобóю, Ѻ́тчею Ипостáсною мýдростiю, Хрїстé: // несть бо свят, па́че Тебé, Человеколю́бче.
Хор: Блажéни чúстiи сéрдцем,/ я́ко тíи Бóга ýзрят.
Чтец: Тя, блажéнна, слáдкая устá Хрїстá Бóга и сокрóвище твéрдо Цáрствiя показáша.// Тéмже воспевáем тя, Пéтре апóстоле.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: На кáмени твоегó Богослóвiя водрузи́ Влады́ка Iисýс Цéрковь непреклóнну,// в нéйже тя, апóстоле Пéтре, слáвим.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Я́ко пребóльши Áнгел Петр в телеси́:/ во свéтлом бо пришéствiи сегó// Хрїстóс Бог судiю́ же и соседáтеля бы́ти речé.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (апóстола Пáвла, глас 8): Вся пренебрéг крáсная мíра,/ уя́звлен Влады́чнею любóвiю и óбщаго спасéнiя желáнiем,/ свидéтельствовати томý извóлив, о Пáвле блажéнне,// и ны́не о вселéнней моли́ся.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Я́ко изря́дный Влады́це подóбник/ и в Тогó одéян, Пáвле, вои́стинну всем был еси́ всяк,/ да вся прiобря́щеши и спасéши лю́ди,// и спасл еси́ я́ко вои́стинну, Хрїстý улови́в концы́.
Хор: Слáва Ѻтцý и Сы́ну и Святóму Дýху.
Чтец: Достóйно тебé даровá Хрїстóс житié, апóстоле Пáвле, на Небесéх:/ пребывáющаго бо зде не возжелáл еси́ грáда, блажéнне,// вéрен служи́тель быв и строи́тель тáин Егó.
Хор: И ны́не и прúсно и во вéки векóв. Амúнь.
Чтец (Богорóдичен): Призрé на Тя Госпóдь, моé обновля́я существó, я́ко Си́лен,/ вели́чiя сотвóрь, Богороди́тельнице, я́коже реклá еси́, Всенепорóчная,// и спасé мя Тобóю из тли Бог мой, я́ко Милосéрд.
Тропари и кондаки
Тропáрь апóстолов, глас 4: Апóстолов первопрестóльницы/ и вселéнныя учи́телiе,/ Влады́ку всех моли́те/ мир вселéнней даровáти// и душáм нáшим вéлiю ми́лость.
Слáва Ѻтцý и Сы́ну и Святóму Дýху.
Кондáк апóстолов, глас 2: Твéрдыя и Боговещáнныя проповéдатели,/ верх апóстолов Твои́х, Гóсподи,/ прiя́л еси́ в наслаждéнiе благи́х Твои́х и покóй:/ болéзни бо óнех и смерть прiя́л еси́ пáче вся́каго всеплóдiя,// Еди́не, свéдый сердéчная.
И ны́не и прúсно и во вéки векóв. Амúнь.
Кондáк Богорóдицы, глас 6: Предстáтельство христiáн непосты́дное,/ ходáтайство ко Творцý непрелóжное,/ не прéзри грéшных молéнiй глáсы,/ но предвари́, я́ко Благáя,/ на пóмощь нас, вéрно зовýщих Ти;/ ускори́ на моли́тву и потщи́ся на умолéнiе,// предстáтельствующи при́сно, Богорóдице, чтýщих Тя.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Ѻтцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен апостолов, глас 8
Чтец: Прокíмен, глас осьмы́й. Во всю зéмлю изы́де вещáнiе их и в концы́ вселéнныя глагóлы их. (Пс.18:5А)
Хор: Во всю зéмлю изы́де вещáнiе их/ и в концы́ вселéнныя глагóлы их.
Чтец: Небесá повéдают слáву Бóжiю, творéнiе же рукý Егó возвещáет твердь. (Пс.18:2)
Хор: Во всю зéмлю изы́де вещáнiе их/ и в концы́ вселéнныя глагóлы их.
Чтец: Во всю зéмлю изы́де вещáнiе их.
Хор: И в концы́ вселéнныя глагóлы их.
АПОСТОЛ
Чтец: К Кори́нфяном послáнiя святáго апóстола Пáвла чтéнiе.
(2Кор.зач.193): Брáтiе, о нéмже áще дерзáет кто, [несмы́сленно глагóлю:] дерзáю и аз. Еврéи ли суть? И аз. Iзрáильте ли суть? И аз. Сéмя Авраáмле ли суть? И аз. Служи́телiе ли Хрїстóвы суть? [Не в мýдрости глагóлю,] пáче аз. В трудéх мнóжае, в рáнах пребóле, в темни́цах и҆́злиха, в смéртех мнóгащи. От iудéй пятькрáты четы́редесять, рáзве еди́ныя, прiя́х. Три́щи пáлицами бiéн бых, еди́ною кáменьми намéтан бых; трикрáты корáбль опровéржеся со мнóю; нощь и день во глубинé сотвори́х. В пýтных шéствiих мнóжицею; беды́ в рекáх, беды́ от разбóйник, беды́ от срóдник, беды́ от язы́к, беды́ во градéх, беды́ в пусты́ни, беды́ в мóри, беды́ во лжебрáтiи. В трудé и пóдвизе, во бдéнiих мнóжицею, во áлчбе и жáжди, в пощéнiих мнóгащи, в зимé и наготé. Кромé внéшних, нападéнiе éже по вся дни, и попечéнiе всех церквéй. Кто изнемогáет, и не изнемогáю; кто соблазня́ется, и аз не разжизáюся? Áще хвали́тися ми подобáет, я́же о нéмощи моéй похвалю́ся. Бог и Ѻтéц Гóспода нáшего Iисýса Хрїстá весть, Сый благословéн во вéки, я́ко не лгу. В Дамáсце язы́ческiй князь Арéфы царя́ стрежáше Дамáск град, я́ти мя хотя́, и окóнцем в кóшнице свéшен бых по стенé, и избегóх из рукý егó. Похвали́тися же не пóльзует ми: прiидý бо в видéнiя и откровéнiя Госпóдня. Вем человéка о Хрїстé, прéжде лет четыринáдесяти, [áще в тéле, не вем, áще ли кромé тéла, не вем, Бог весть,] восхищéна бы́вша таковáго до трéтiяго Небесé. И вем таковá человéка, [áще в тéле, или́ кромé тéла, не вем, Бог весть,] я́ко восхищéн бысть в рай, и слы́ша неизречéнны глагóлы, и́хже не леть есть человéку глагóлати. О таковéм похвалю́ся, о себé же не похвалю́ся, тóкмо о нéмощех мои́х. Áще бо восхощý похвали́тися, не бýду безýмен, и҆́стину бо рекý, щаждý же, да не кáко кто вознепщýет о мне пáче, éже ви́дит мя, или́ слы́шит что от менé. И за премнóгая откровéнiя да не превозношýся, дадéся ми пáкостник плóти, áггел сатани́н, да ми пáкости дéет, да не превозношýся. О сем трикрáты Гóспода моли́х, да отстýпит от менé. И речé ми: довлéет ти благодáть Моя́: си́ла бо Моя́ в нéмощи совершáется. Слáдце ýбо похвалю́ся пáче в нéмощех мои́х, да всели́тся в мя си́ла Хрiстóва.
[Русский синодальный перевод](Братья, если кто смеет хвалиться чем-либо, то (скажу по неразумию) смею и я. Они Евреи? и я. Израильтяне? и я. Семя Авраамово? и я. Христовы служители? (в безумии говорю:) я больше. Я гораздо более был в трудах, безмерно в ранах, более в темницах и многократно при смерти. От Иудеев пять раз дано мне было по сорока ударов без одного; три раза меня били палками, однажды камнями побивали, три раза я терпел кораблекрушение, ночь и день пробыл во глубине морской; много раз был в путешествиях, в опасностях на реках, в опасностях от разбойников, в опасностях от единоплеменников, в опасностях от язычников, в опасностях в городе, в опасностях в пустыне, в опасностях на море, в опасностях между лжебратиями, в труде и в изнурении, часто в бдении, в голоде и жажде, часто в посте, на стуже и в наготе. Кроме посторонних приключений, у меня ежедневно стечение людей, забота о всех церквах. Кто изнемогает, с кем бы и я не изнемогал? Кто соблазняется, за кого бы я не воспламенялся? Если должно мне хвалиться, то буду хвалиться немощью моею. Бог и Отец Господа нашего Иисуса Христа, благословенный во веки, знает, что я не лгу. В Дамаске областной правитель царя Ареты стерег город Дамаск, чтобы схватить меня;*и я в корзине был спущен из окна по стене и избежал его рук. Не полезно хвалиться мне, ибо я приду к видениям и откровениям Господним. Знаю человека во Христе, который назад тому четырнадцать лет (в теле ли - не знаю, вне ли тела - не знаю: Бог знает) восхищен был до третьего неба. И знаю о таком человеке (только не знаю - в теле, или вне тела: Бог знает), что он был восхищен в рай и слышал неизреченные слова, которых человеку нельзя пересказать. Таким человеком могу хвалиться; собою же не похвалюсь, разве только немощами моими. Впрочем, если захочу хвалиться, не буду неразумен, потому что скажу истину; но я удерживаюсь, чтобы кто не подумал о мне более, нежели сколько во мне видит или слышит от меня. И чтобы я не превозносился чрезвычайностью откровений, дано мне жало в плоть, ангел сатаны, удручать меня, чтобы я не превозносился. Трижды молил я Господа о том, чтобы удалил его от меня. Но Господь сказал мне: «довольно для тебя благодати Моей, ибо сила Моя совершается в немощи». И потому я гораздо охотнее буду хвалиться своими немощами, чтобы обитала во мне сила Христова.(11:21-12:9)
Аллилуарий апостолов, глас 1
Чтец: Аллилýіа, аллилýіа, аллилýіа, глас пéрвый.
Хор: Аллилýіа, аллилýіа, аллилýіа.
Чтец: Исповéдят Небесá чудесá Твоя́ Гóсподи, и҆́бо и҆́стину Твою́ в цéркви святы́х. (Пс.88:6)
Хор: Аллилýіа, аллилýіа, аллилýіа.
Чтец: Бог прославля́емь в совéте святы́х. (Пс.88:8А)
Хор: Аллилýіа, аллилýіа, аллилýіа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Мф.зач.67): Во врéмя óно, пришéд Iисýс во страны́ Кесарíи Фiлíпповы, вопрошáше ученики́ Своя́, глагóля: когó Мя глагóлют человéцы бы́ти, Сы́на Человéческаго? Они́ же рéша: óви ýбо Iоáнна Крести́теля, инíи же Илiю́, друзíи же Iеремíю, или́ еди́наго от прорóк. Глагóла им Iисýс: вы же когó Мя глагóлете бы́ти? Отвещáв же Сíмон Петр речé: Ты еси́ Хрїстóс, Сын Бóга живáго. И отвещáв Iисýс речé емý: блажéн еси́, Сíмоне, вар Ióна, я́ко плоть и кровь не яви́ тебé, но Ѻтéц Мой, и҆́же на Небесéх. И Аз же тебé глагóлю, я́ко ты еси́ Петр, и на сем кáмени сози́жду Цéрковь Мою́, и вратá áдова не одолéют ей. И дам ти ключи́ Цáрства Небéснаго, и éже áще свя́жеши на земли́, бýдет свя́зано на Небесéх, и éже áще разреши́ши на земли́, бýдет разрешéно на Небесéх.
[Русский синодальный перевод](Придя же в страны Кесарии Филипповой, Иисус спрашивал учеников Своих: за кого люди почитают Меня, Сына Человеческого? Они сказали: одни за Иоанна Крестителя, другие за Илию, а иные за Иеремию, или за одного из пророков. Он говорит им: а вы за кого почитаете Меня? Симон же Петр, отвечая, сказал: Ты - Христос, Сын Бога живаго. и Я говорю тебе: ты - Петр*, и на сем камне Я создам Церковь Мою, и врата ада не одолеют ее; (*Камень) и дам тебе ключи Царства Небесного: и чтó свяжешь на земле, тó будет связано на небесах, и чтó разрешишь на земле, тó будет разрешено на небесах.(16:13-19)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк апóстолов, глас 2: Твéрдыя и Боговещáнныя проповéдатели,/ верх апóстолов Твои́х, Гóсподи,/ прiя́л еси́ в наслаждéнiе благи́х Твои́х и покóй:/ болéзни бо óнех и смерть прiя́л еси́ пáче вся́каго всеплóдiя,// Еди́не, свéдый сердéчная.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и҆ вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆́,/ и от всех скорбéй егó спасé и҆́./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, иже уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆́./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
Хрїстóс, и҆́стинный Бог наш, моли́твами Пречи́стыя Своея́ Мáтере, святы́х слáвных и всехвáльных Апóстол Петрá и Пáвла, святы́х и прáведных богоотéц Iоаки́ма и Áнны, и всех святы́х, поми́луй и спасѝ нас, яко Благ и Человеколю́бец. Ами́нь.